Elimizde grantta oqymaityn stýdentterge de shákirtaqy berilýi múmkin. Buǵan sáikes, "Memlekettik shákirtaqyny taǵaiyndaý, tóleý jáne mólsherlemelerin bekitý týraly" úkimet qaýlysyna ózgerister men tolyqtyrýlar jobasy qoǵamdyq talqylaýǵa usynyldy, dep habarlaidy Dalanews.kz.
Jańa oqý jylynan bastap jaqsy kórsetkishke qol jetkizgen jáne ulttyq biryńǵai testten joǵary upai jinaǵan talapkerler shákirtaqy alýy múmkin.
Prezidenttiń bilim granttaryna qoiylǵan tapsyrmalaryna sáikes, grant oqýdyń barlyq qunyn jabýǵa mindettelmeidi. Alaida UBT nátijesi men bilim alýshynyń basqa kórsetkishterine bailanysty atalmysh shyǵyndardyń 30 paiyzyn ótei alady. Sondyqtan qaýlynyń jańa nusqasynda 100 paiyz grantpen oqymaityndarǵa shákirtaqy tóleý usynylyp otyr.
Búginde shákirtaqy barlyq stýdentke birdei beriledi. Al 2024 jyldan bastap oqý úlgerimi úzdik stýdentterge shákirtaqyny ulǵaitý jáne bonýstar belgileý usynyldy. Bakalavrlar úshin – aiyna 41 898 teńgeden 47 135 teńgege deiin, úzdik stýdentter úshin – 54 205 teńgege deiin; Bolashaq muǵalimderge 67 200 teńgeden 75 600 teńgege deiin, oqý ozattaryna – 86 940 teńgege deiin; Magistranttar úshin – 97 024 teńgeden 107 061 teńgege deiin, oqý úzdigi úshin – 123 120 teńgege deiin; Doktoranttar – 217 500 teńgeden 240 000 teńgege deiin. Nazarbaev ýniversitetiniń stýdentteri men meditsinada oqityn stýdentter ulǵaitylǵan shákirtaqyny ala almaidy.
