"Elime orala almaimyn...". Ýkraina prezidentimen kezdesken tanymal kásipker málimdeme jasady
Seisembai bul týraly óziniń jelidegi paraqshasynda jazdy.
"Búgin Ýkrainanyń prezidenti Vladimir Zelenskiimen kezdestim. Onymen jáne onyń komandasymen bir saǵattai áńgimelestik", – dedi ol.
Qazaq kásipkeri osy kezdesýde Zelenskiige reformalardy endirý protsesi men zań shyǵarý salasynyń tiimdiligin arttyrý boiynsha usynystaryn tanys etken. Seisembaidyń jobalary Ýkraina prezidentiniń kóńilinen shyqqan.
"Prezident aitqandarymnyń bári qajet ári mańyzdy ekenin alǵa tartty da, munyń barlyǵy "kesheden" beri kerek bolǵanyn aitty. Tezdetýdi surady. Men jumysqa dereý kirisýge ýáde ettim. Sol sebepti aldaǵy ýaqytta Qazaqstanyma orala almaimyn.
Osy jerde uzaq ýaqytqa qalyp qoiatynymdy sezip turmyn. Jumys kóp, qyzyq ári biraz ter tógýdi qajet etetin jumys.
Zelenskii maǵan adam retinde qatty unady. Ashyq, tartymdy, sypaiy eken. Adamdy óte muqiiat tyńdaidy. Eli úshin jany qatty ashidy", – deidi Marǵulan Seisembai.
Kásipker aldaǵy ýaqytta Ýkrainadaǵy ómirinen jazbalar jariialap otyrýǵa ýáde berdi. Onyń atap ótkenindei birinshi kezekte kóshi-qonmen bailanysty turmystyq sharýalardy sheship, jumysty josparlap, komanda jinaýy kerek.
Sondai-aq oqyrmandarynan osynaý málimdemeni saiasilandyrmaýdy surady.
"Bylai da bot fermalary men anonim telegram-kanaldar qozyp jatyr. Men munda Ýkrainaǵa járdemdesem. Túrli-tústi revoliýtsiialardy eksporttaý, oppozitsiialyq áreket týraly sóz bolyp otyrǵan joq. Men bul jerde súiikti isim - protsesterdiń tiimdiligin arttyrýmen ainalysýdamyn. Bul men úshin - kásibi synaq. Bizneste muny talai ret endirdim, endi memlekettik apparattyń jumysyna endirgim keledi", – deidi Marǵulan Seisembai.
