Qazaqstanǵa qaitarylǵan barlyq zańsyz qarajat áleýmettik paidaly maqsattarǵa odan ári qaita bólý úshin Arnaýly memlekettik qorǵa jiberilip otyrady. Biyl, mine osy qordan Úkimet Aqmola oblysynyń Zerendi aýylynda sport keshenin, sondai-aq Túrkistan oblysynyń Temirlan aýylynda mýzyka mektebin salýǵa qarajat bólýdi qarastyryp otyr, dep habarlaidy Dalanews.kz.
Salynatyn sport keshenine 2,1 mlrd teńge, al mýzyka mektebine 890 mln teńge bólý josparlanǵan,
Jobaǵa sáikes, ortalyqta kúres, boks, shańǵy tebý syndy sport túrlerimen ainalysý úshin jabdyqtalady, eki jattyǵý zaly qajetti qural-jabdyqtarmen qamtylady. Sondai-aq keshende sportshylardy jattyqtyrý men saýyqtyrý jumystaryn sapaly ári tiimdi júzege asyrý úshin qajetti qural-jabdyq jáne basqa da qosalqy úi-jailar qarastyrylǵan.
Túrkistan oblysy, Temirlan aýlynda 1974 jyly qabyrǵasy karkastan salynǵan qazirgi ǵimarat zamanaýi sanitarlyq jáne órt qaýipsizdigi talaptaryna sai emes, kúrdeli jóndeýge jaramaidy. Soǵan qaramastan búgingi tańda keshen jumys istep tur – ortalyqta 420-ǵa deiin bala oqidy, bul onyń qazirgi qabyldaý múmkindiginen 2 esege artyq, 45 muǵalim sabaq beredi. Jańa joba aýylda óner salasynda qosymsha sapaly bilim alýǵa jaǵdai jasaidy. Balalar jaily ortada mýzykamen, horeografiiamen ainalysýǵa múmkindik alady.
Úkimettiń baspasóz qyzmetiniń málimetinshe, búgingi tańda Arnaýly memlekettik qorda 177 mlrd teńge jinaqtalǵan. Bul qarajattyń barlyǵy áleýmettik jáne infraqurylymdyq nysandar salýǵa, basqa da áleýmettik mańyzdy maqsattarǵa, sonyń ishinde densaýlyq saqtaý, bilim berý, buqaralyq sport jáne ózge salalardaǵy jobalardy iske asyrýǵa baǵyttalady dep josparlanýda.
Aita ketsek, zańsyz iemdelgen aktivterdi memleketke qaitarý máseleleri jónindegi komissiiany QR Premer-ministri basqarady, jumys organy – QR Bas prokýratýranyń Aktivterdi qaitarý jónindegi komiteti.
