Qazaqstanda elektrondy tutyný júieleriniń ainalymyna tyiym salynǵanyna qaramastan, keibir adamdar olardy elge zańsyz ákelip, satyp, milliondaǵan zańsyz tabys tabýyn jalǵastyryp keledi, dep habarlaidy dalanews.kz.
Jyl basynan beri Qarjylyq monitoring agenttigi zańsyz saýdanyń 25 deregin toqtatty.
Qazir 37 qylmystyq is tergelip jatyr.
Zańsyz ainalymnan 276 myńnan astam elektrondy tutyný júiesi tárkilendi.
18 adamǵa qatysty 14 qylmystyq is sotqa joldandy.
Astanadaǵy departament veipterdiń zańsyz ainalymyn uiymdastyrǵan qylmystyq toptyń áreketin tergep jatyr. Ónimderdi saqtaý úshin jalǵa alynǵan qoimalar men keńseler paidalanylǵan. Saýda internet-dúkender, sondai-aq Telegram, WhatsApp jáne Zangi messendjerleri arqyly júrgizilgen.
Iz jasyrý úshin jeke kásipkerdiń bank shottary qoldanylǵan. Al satyp alýshylarǵa «turmystyq tehnika satyp aldyq» dep aitý usynylǵan. Bul shottar arqyly ótken aqsha kólemi 3,2 mlrd teńgeden asqan.
Qaraǵandy oblysynda Telegram-da veip satatyn internet-dúken uiymdastyrǵan adamdar 2 jyl 6 aiǵa bas bostandyǵyn shekteý jazasyna sottaldy. Olar tórt qoimany, internet-dúken operatorlaryn jáne kýrerlerdi paidalanyp, zańsyz shema qurǵan. Tintý kezinde quny 340 mln teńge bolatyn shamamen 30 myń elektrondy tutyný júiesi tárkilendi.
Ulytaý oblysynda veipterdi «dropperler» arqyly zańsyz satýdy uiymdastyrǵan eki jergilikti turǵynǵa aiyptaý úkimi shyqty. Aqshany alý jáne aýdarý úshin olar kýrerdiń atyna rásimdelgen bank shotyn paidalanǵan. Sot árqaisysyna tórt jyl bas bostandyǵyn shekteý jazasyn taǵaiyndap, qylmystyq jolmen túsken tabysty tárkileýge sheshim shyǵardy.
Qarjylyq monitoring agenttigi eskertedi: elektrondy tutyný júielerin zańsyz ákelý, saqtaý, tasymaldaý jáne satý, sondai-aq mundai áreketten túsken tabysty zańdastyrý qylmystyq jaýaptylyqqa ákep soǵady.
