قازاقستاندا ەلەكتروندى تۇتىنۋ جٷيەلەرٸنٸڭ اينالىمىنا تىيىم سالىنعانىنا قاراماستان, كەيبٸر ادامدار ولاردى ەلگە زاڭسىز ەكەلٸپ, ساتىپ, ميلليونداعان زاڭسىز تابىس تابۋىن جالعاستىرىپ كەلەدٸ, دەپ حابارلايدى dalanews.kz.
جىل باسىنان بەرٸ قارجىلىق مونيتورينگ اگەنتتٸگٸ زاڭسىز ساۋدانىڭ 25 دەرەگٸن توقتاتتى.
قازٸر 37 قىلمىستىق ٸس تەرگەلٸپ جاتىر.
زاڭسىز اينالىمنان 276 مىڭنان استام ەلەكتروندى تۇتىنۋ جٷيەسٸ تەركٸلەندٸ.
18 ادامعا قاتىستى 14 قىلمىستىق ٸس سوتقا جولداندى.
استاناداعى دەپارتامەنت ۆەيپتەردٸڭ زاڭسىز اينالىمىن ۇيىمداستىرعان قىلمىستىق توپتىڭ ەرەكەتٸن تەرگەپ جاتىر. ٶنٸمدەردٸ ساقتاۋ ٷشٸن جالعا الىنعان قويمالار مەن كەڭسەلەر پايدالانىلعان. ساۋدا ينتەرنەت-دٷكەندەر, سونداي-اق Telegram, WhatsApp جەنە Zangi مەسسەندجەرلەرٸ ارقىلى جٷرگٸزٸلگەن.
ٸز جاسىرۋ ٷشٸن جەكە كەسٸپكەردٸڭ بانك شوتتارى قولدانىلعان. ال ساتىپ الۋشىلارعا «تۇرمىستىق تەحنيكا ساتىپ الدىق» دەپ ايتۋ ۇسىنىلعان. بۇل شوتتار ارقىلى ٶتكەن اقشا كٶلەمٸ 3,2 ملرد تەڭگەدەن اسقان.
قاراعاندى وبلىسىندا Telegram-دا ۆەيپ ساتاتىن ينتەرنەت-دٷكەن ۇيىمداستىرعان ادامدار 2 جىل 6 ايعا باس بوستاندىعىن شەكتەۋ جازاسىنا سوتتالدى. ولار تٶرت قويمانى, ينتەرنەت-دٷكەن وپەراتورلارىن جەنە كۋرەرلەردٸ پايدالانىپ, زاڭسىز سحەما قۇرعان. تٸنتۋ كەزٸندە قۇنى 340 ملن تەڭگە بولاتىن شامامەن 30 مىڭ ەلەكتروندى تۇتىنۋ جٷيەسٸ تەركٸلەندٸ.
ۇلىتاۋ وبلىسىندا ۆەيپتەردٸ «دروپپەرلەر» ارقىلى زاڭسىز ساتۋدى ۇيىمداستىرعان ەكٸ جەرگٸلٸكتٸ تۇرعىنعا ايىپتاۋ ٷكٸمٸ شىقتى. اقشانى الۋ جەنە اۋدارۋ ٷشٸن ولار كۋرەردٸڭ اتىنا رەسٸمدەلگەن بانك شوتىن پايدالانعان. سوت ەرقايسىسىنا تٶرت جىل باس بوستاندىعىن شەكتەۋ جازاسىن تاعايىنداپ, قىلمىستىق جولمەن تٷسكەن تابىستى تەركٸلەۋگە شەشٸم شىعاردى.
قارجىلىق مونيتورينگ اگەنتتٸگٸ ەسكەرتەدٸ: ەلەكتروندى تۇتىنۋ جٷيەلەرٸن زاڭسىز ەكەلۋ, ساقتاۋ, تاسىمالداۋ جەنە ساتۋ, سونداي-اق مۇنداي ەرەكەتتەن تٷسكەن تابىستى زاڭداستىرۋ قىلمىستىق جاۋاپتىلىققا ەكەپ سوعادى.
