Qazaqstandyqtar elektr energiiasyn tiimdi paidalaný arqyly ai saiynǵy kommýnaldyq shyǵyndaryn 10-20%-ǵa deiin qysqarta alady, dep habarlaidy dalanews.kz.
Mamandardyń málimetinshe, Qazaqstandaǵy eki bólmeli páterde turatyn otbasy orta eseppen aiyna 250-350 kVt/saǵ, al jylyna shamamen 3-4 myń kVt/saǵ elektr energiiasyn tutynady. Bul kórsetkish turǵyndardyń turmystyq tehnikany paidalaný jiiligine jáne úidiń jabdyqtalýyna bailanysty ózgerýi múmkin.
Energetikterdiń aitýynsha, elektr qýatyn únemdeýdiń eń tiimdi joldarynyń biri – jaryqdiodty shamdardy qoldaný. Olar dástúrli shamdarǵa qaraǵanda áldeqaida az energiia jumsaidy. Sonymen qatar energiia tiimdiligi joǵary klasty turmystyq tehnikany tańdaý da shyǵyndardy azaitýǵa kómektesedi.
Sarapshylar qoldanylmai turǵan qurylǵylardy toq kózinen ajyratyp qoiýǵa keńes beredi. Sebebi «kútý rejimindegi» tehnika da belgili bir kólemde elektr energiiasyn tutyna beredi. Al konditsioner, jylytqysh sekildi qýatty kóp qajet etetin qurylǵylardy tek qajetti jaǵdaida paidalaný usynylady.
«Elektr qýatyn kóp qajet etetin turmystyq tehnikany durys paidalaný arqyly aitarlyqtai únemdeýge bolady. Qoldanylmaityn zariadtaǵyshtardy toqtan ajyratyp qoiý, kir jýǵysh jáne ydys jýǵysh mashinalardy tolyq júktememen qosý, energiia únemdeý rejimderin paidalaný jáne eskirgen tehnikany jańasyna aýystyrý mańyzdy», – deidi mamandar.
Olardyń baǵalaýynsha, eger páter aiyna orta eseppen 350 kVt/saǵ energiia tutynsa, únemdeý sharalarynyń arqasynda ai saiyn 35-70 kVt/saǵ, al jylyna 420-840 kVt/saǵ elektr qýatyn únemdeýge bolady.
Mamandar sondai-aq elektr jelilerindegi shyǵyndardyń tabiǵi qubylys ekenin atap ótti. Elektr energiiasynyń bir bóligi jeliler men transformatorlar arqyly tasymaldaný kezinde jylýǵa ainalady. Budan bólek, esepteýish quraldardaǵy aqaýlar nemese elektr qýatyn zańsyz paidalaný saldarynan kommertsiialyq shyǵyndar da týyndaidy.
Sarapshylardyń pikirinshe, energiia resýrstaryn utymdy paidalaný tek qarjy únemdeýge ǵana emes, jalpy elektr júiesine túsetin júktemeni azaitýǵa da múmkindik beredi.
