قازاقستاندىقتار ەلەكتر ەنەرگيياسىن تيٸمدٸ پايدالانۋ ارقىلى اي سايىنعى كوممۋنالدىق شىعىندارىن 10-20%-عا دەيٸن قىسقارتا الادى, دەپ حابارلايدى dalanews.kz.
مامانداردىڭ مەلٸمەتٸنشە, قازاقستانداعى ەكٸ بٶلمەلٸ پەتەردە تۇراتىن وتباسى ورتا ەسەپپەن ايىنا 250-350 كۆت/ساع, ال جىلىنا شامامەن 3-4 مىڭ كۆت/ساع ەلەكتر ەنەرگيياسىن تۇتىنادى. بۇل كٶرسەتكٸش تۇرعىنداردىڭ تۇرمىستىق تەحنيكانى پايدالانۋ جيٸلٸگٸنە جەنە ٷيدٸڭ جابدىقتالۋىنا بايلانىستى ٶزگەرۋٸ مٷمكٸن.
ەنەرگەتيكتەردٸڭ ايتۋىنشا, ەلەكتر قۋاتىن ٷنەمدەۋدٸڭ ەڭ تيٸمدٸ جولدارىنىڭ بٸرٸ – جارىقديودتى شامداردى قولدانۋ. ولار دەستٷرلٸ شامدارعا قاراعاندا ەلدەقايدا از ەنەرگييا جۇمسايدى. سونىمەن قاتار ەنەرگييا تيٸمدٸلٸگٸ جوعارى كلاستى تۇرمىستىق تەحنيكانى تاڭداۋ دا شىعىنداردى ازايتۋعا كٶمەكتەسەدٸ.
ساراپشىلار قولدانىلماي تۇرعان قۇرىلعىلاردى توق كٶزٸنەن اجىراتىپ قويۋعا كەڭەس بەرەدٸ. سەبەبٸ «كٷتۋ رەجيمٸندەگٸ» تەحنيكا دا بەلگٸلٸ بٸر كٶلەمدە ەلەكتر ەنەرگيياسىن تۇتىنا بەرەدٸ. ال كونديتسيونەر, جىلىتقىش سەكٸلدٸ قۋاتتى كٶپ قاجەت ەتەتٸن قۇرىلعىلاردى تەك قاجەتتٸ جاعدايدا پايدالانۋ ۇسىنىلادى.
«ەلەكتر قۋاتىن كٶپ قاجەت ەتەتٸن تۇرمىستىق تەحنيكانى دۇرىس پايدالانۋ ارقىلى ايتارلىقتاي ٷنەمدەۋگە بولادى. قولدانىلمايتىن زاريادتاعىشتاردى توقتان اجىراتىپ قويۋ, كٸر جۋعىش جەنە ىدىس جۋعىش ماشينالاردى تولىق جٷكتەمەمەن قوسۋ, ەنەرگييا ٷنەمدەۋ رەجيمدەرٸن پايدالانۋ جەنە ەسكٸرگەن تەحنيكانى جاڭاسىنا اۋىستىرۋ ماڭىزدى», – دەيدٸ ماماندار.
ولاردىڭ باعالاۋىنشا, ەگەر پەتەر ايىنا ورتا ەسەپپەن 350 كۆت/ساع ەنەرگييا تۇتىنسا, ٷنەمدەۋ شارالارىنىڭ ارقاسىندا اي سايىن 35-70 كۆت/ساع, ال جىلىنا 420-840 كۆت/ساع ەلەكتر قۋاتىن ٷنەمدەۋگە بولادى.
ماماندار سونداي-اق ەلەكتر جەلٸلەرٸندەگٸ شىعىنداردىڭ تابيعي قۇبىلىس ەكەنٸن اتاپ ٶتتٸ. ەلەكتر ەنەرگيياسىنىڭ بٸر بٶلٸگٸ جەلٸلەر مەن ترانسفورماتورلار ارقىلى تاسىمالدانۋ كەزٸندە جىلۋعا اينالادى. بۇدان بٶلەك, ەسەپتەۋٸش قۇرالدارداعى اقاۋلار نەمەسە ەلەكتر قۋاتىن زاڭسىز پايدالانۋ سالدارىنان كوممەرتسييالىق شىعىندار دا تۋىندايدى.
ساراپشىلاردىڭ پٸكٸرٸنشە, ەنەرگييا رەسۋرستارىن ۇتىمدى پايدالانۋ تەك قارجى ٷنەمدەۋگە عانا ەمەس, جالپى ەلەكتر جٷيەسٸنە تٷسەتٸن جٷكتەمەنٸ ازايتۋعا دا مٷمكٸندٸك بەرەدٸ.
