Májilis depýtattary Qazaqstanda politseiler men memlekettik qyzmetkerler úshin kásibi adaldyqty tekserýge arnalǵan testileýdi engizýdi qarastyratyn zań jobasyn qabyldady, dep habarlaidy Dalanews.kz Tengrinews.kz-ke siltep.
Quqyq qorǵaý organdarynyń qyzmetkerleri men azamattyq qyzmetkerlerdi sybailas jemqorlyq faktilerin boldyrmaý maqsatynda adaldyqqa testileýden ótkizedi. Qujatta olardyń quqyqtary men mindetteri, testileýdi taǵaiyndaý negizderi jáne testileý nátijeleri boiynsha jaýapkershilik sharalary kórsetilgen.
“Nátijesinde, adal emes qyzmetkerler ýaqtyly anyqtalyp, yqtimal sybailas jemqorlyq áreketteriniń aldyn alý sharalary qabyldanady”, – dedi Májilis depýtaty Snejanna Imasheva.
Erejege sáikes, quqyq qorǵaý qyzmetine qabyldanar aldynda úmitker testileýden ótetini týraly jazbasha túrde habarlanady. Zań jobasyn ázirleýshilerdiń pikirinshe, bul bastama halyqtyń osy organdarǵa degen senimin arttyrýǵa yqpal etedi.
