ءماجىلىس دەپۋتاتتارى قازاقستاندا پوليسەيلەر مەن مەملەكەتتىك قىزمەتكەرلەر ءۇشىن كاسىبي ادالدىقتى تەكسەرۋگە ارنالعان تەستىلەۋدى ەنگىزۋدى قاراستىراتىن زاڭ جوباسىن قابىلدادى، دەپ حابارلايدى Dalanews.kz Tengrinews.kz-كە سىلتەپ.
قۇقىق قورعاۋ ورگاندارىنىڭ قىزمەتكەرلەرى مەن ازاماتتىق قىزمەتكەرلەردى سىبايلاس جەمقورلىق فاكتىلەرىن بولدىرماۋ ماقساتىندا ادالدىققا تەستىلەۋدەن وتكىزەدى. قۇجاتتا ولاردىڭ قۇقىقتارى مەن مىندەتتەرى، تەستىلەۋدى تاعايىنداۋ نەگىزدەرى جانە تەستىلەۋ ناتيجەلەرى بويىنشا جاۋاپكەرشىلىك شارالارى كورسەتىلگەن.
“ناتيجەسىندە، ادال ەمەس قىزمەتكەرلەر ۋاقتىلى انىقتالىپ، ىقتيمال سىبايلاس جەمقورلىق ارەكەتتەرىنىڭ الدىن الۋ شارالارى قابىلدانادى”، – دەدى ءماجىلىس دەپۋتاتى سنەجاننا يماشيەۆا.
ەرەجەگە سايكەس، قۇقىق قورعاۋ قىزمەتىنە قابىلدانار الدىندا ۇمىتكەر تەستىلەۋدەن وتەتىنى تۋرالى جازباشا تۇردە حابارلانادى. زاڭ جوباسىن ازىرلەۋشىلەردىڭ پىكىرىنشە، بۇل باستاما حالىقتىڭ وسى ورگاندارعا دەگەن سەنىمىن ارتتىرۋعا ىقپال ەتەدى.
