– Búgingi tańda álemdik qarjy arhıtektýrasyn transformasıalaý qajettiligi týyndap otyr. Halyqaralyq eseptik tólem birligin engizý máselesine baıyppen qaraıtyn ýaqyt keldi. Ol álemdi valútalyq soǵystardan, alaıaqtyqtan arylýǵa, saýda qarym-qatynastarynda qatelikterden qutylýǵa, naryqtaǵy qubylmaly jaǵdaıdy tómendetýge múmkindik beredi. Valúta qarapaıym, paıdalanýshyǵa baǵynyshty bolýy tıis. Tehnologıalardyń damýyn, sıfrlandyrýdy eskere otyryp, krıptovalúta túrindegi eseptik birlikti qurýǵa da bolar edi. Bul valúta búkil álemdegi qoldanýshylar tarapynan qabyldanýy kerek, – dedi Qazaqstan Prezıdenti.
Memleket basshysy bul iske tek qana G20 emes, odan da kóp memleketter qatysýy úshin G-Global-ǵa usynys jasadyq deıdi.
Elbasynyń aıtýynsha, jahandyq valútany Ortalyq bankterdiń pýlyn qurý jolymen, máselen, BUU janynan arnaıy komıtet qurý arqyly engizýge bolady.
– Sondaı-aq, barlyq eldiń teń quqyly, ádil ókildigi bolýy tıis. Bizge ony aıtyp qana qoımaı, sheshý qajet, – dep túıindedi Nazarbaev.
