Máskeýdiń Kino úiinde ótken Qazaqstan Respýblikasynyń Tuńǵysh Prezidenti Nursultan Nazarbaevtyń ómirlik jolyn baiandaityn "Juldyzdar toǵysqanda" kórkem filminiń kórsetilimi barysynda Muhamediuly aldaǵy josparlar týraly aita ketti.
Tilshilerdiń suraqtaryna jaýap bere otyryp, ol kelesi kartinanyń Qazaqstannyń jańa elordasy Astana qalasynyń qurylysy jóninde bolatynyn jetkizdi.
Besinshi bólimge keler bolsaq, filmniń rejisseri Sergei Snejkin Qazaqstanda ótken kórsetilimge kóńili tolǵanyn aitty. "Bul úsh saǵatqa sozylǵan epostyq kartina. Óte kúrdeli bul kartinany biz eki jyl boiy orys-qazaq-nemis-káris ujymymen, amerikalyqtarmen, aǵylshyndarmen, qytai, arab akterlerimen túsirdik. 26 sáýirde Astanada ótken alǵashqy kórsetilim kezinde qatty qýandym. Zaldaǵy kórermenderdiń alǵan áseri keremet boldy", - dedi rejisser.
Basty rolde oinaǵan Berik Aitjanov bolsa kartinany túsirý barysynda óte qobaljyǵanyn aitty. "Nursultan Ábishuly Nazarbaevtyń rolin somdaý men úshin úlken abyroi, sonymen qatar, úlken jaýapkershilik. Túsirilim tobyna, onyń ishinde Sergei Olegovich Snejkinge alǵys aitqym keledi", - dedi Aitjanov.
Aita keteiik, "Juldyzdar toǵysqanda" filminiń túsirilim jumystaryna memleket 1 milliard 200 million teńge bóldi. Kartinany túsirýge demeýshilerdiń qarajaty da jumsaldy.
Aita keteiik, lenta kinoteatr ekrandaryna 28 sáýirde shyqty.
