ماسكەۋدىڭ كينو ۇيىندە وتكەن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ ومىرلىك جولىن باياندايتىن "جۇلدىزدار توعىسقاندا" كوركەم ءفيلمىنىڭ كورسەتىلىمى بارىسىندا مۇحامەدي ۇلى الداعى جوسپارلار تۋرالى ايتا كەتتى.
تىلشىلەردىڭ سۇراقتارىنا جاۋاپ بەرە وتىرىپ، ول كەلەسى كارتينانىڭ قازاقستاننىڭ جاڭا ەلورداسى استانا قالاسىنىڭ قۇرىلىسى جونىندە بولاتىنىن جەتكىزدى.
بەسىنشى بولىمگە كەلەر بولساق، ءفيلمنىڭ رەجيسسەرى سەرگەي سنەجكين قازاقستاندا وتكەن كورسەتىلىمگە كوڭىلى تولعانىن ايتتى. "بۇل ءۇش ساعاتقا سوزىلعان ەپوستىق كارتينا. وتە كۇردەلى بۇل كارتينانى ءبىز ەكى جىل بويى ورىس-قازاق-نەمىس-كارىس ۇجىمىمەن، امەريكالىقتارمەن، اعىلشىندارمەن، جۇڭگو، اراب اكتەرلەرىمەن تۇسىردىك. 26 ساۋىردە استانادا وتكەن العاشقى كورسەتىلىم كەزىندە قاتتى قۋاندىم. زالداعى كورەرمەندەردىڭ العان اسەرى كەرەمەت بولدى"، - دەدى رەجيسسەر.
باستى رولدە ويناعان بەرىك ايتجانوۆ بولسا كارتينانى ءتۇسىرۋ بارىسىندا وتە قوبالجىعانىن ايتتى. "نۇرسۇلتان ءابىش ۇلى نازاربايەۆتىڭ ءرولىن سومداۋ مەن ءۇشىن ۇلكەن ابىروي، سونىمەن قاتار، ۇلكەن جاۋاپكەرشىلىك. ءتۇسىرىلىم توبىنا، ونىڭ ىشىندە سەرگەي ولەگوۆيچ سنەجكينگە العىس ايتقىم كەلەدى"، - دەدى ايتجانوۆ.
ايتا كەتەيىك، "جۇلدىزدار توعىسقاندا" ءفيلمىنىڭ ءتۇسىرىلىم جۇمىستارىنا مەملەكەت 1 ميلليارد 200 ميلليون تەڭگە ءبولدى. كارتينانى تۇسىرۋگە دەمەۋشىلەردىڭ قاراجاتى دا جۇمسالدى.
ايتا كەتەيىك، لەنتا كينوتەاتر ەكراندارىنا 28 ساۋىردە شىقتى.
