Ordabasylyqtardy merekemen quttyqtaǵan aýdan ákimi Rashid Qaiypjanov:
– Baitaq mekende barshamyzdy biriktire túsetin ortaq qundylyqtar bar. Ol – bizdiń shejireli tarihymyz jáne bizdiń baitaq mádeni muramyz, qazyǵy berik memlekettik tilimiz. Búginge deiin Qazaqstan – elimizdi mekendeitin etnostardyń tili men mádenietterin damytýǵa jaǵdai jasap kelgen birden-bir memleket. Bul álemdik tájiribede óte sirek kezdesetin qubylys. El birligin eseleitin bul qundylyqtar otanshyldyq sezimin ornyqtyrady. Sonda táýelsizdigimiz máńgi, ulysymyz yrysty bolary sózsiz, – dedi.
Aýdandyq máslihattyń hatshysy Baimahan Sádýaqasov elimizdegi latyn álipbiine aýysýǵa qatysty reformanyń mańyzdylyǵyna toqtala kele, kópshilikke izgi tilegin jetkizdi.
Sonymen qatar, "El birligi" qoǵamdyq birlestiginiń aýdandaǵy ókili, eńbek ardageri Gaidar Dáneshuly, Túrik etno-mádeni ortalyǵynyń tóraǵasy Tazabek Ahmetov, Slavian ulttyq ortalyǵynyń ókili Kseniia Serinkova sóz alyp, kópshilikke júrekjardy tilekterin arnady.
Merekelik shara aiasynda túrli sala úzdikteri men til janashyrlary marapattalyp, qurmetke bólendi. Jiyn kontserttik baǵdarlamaǵa ulasty.
