ورداباسىلىقتاردى مەرەكەمەن قۇتتىقتاعان اۋدان اكىمى راشيد قايىپجانوۆ:
– بايتاق مەكەندە بارشامىزدى بىرىكتىرە تۇسەتىن ورتاق قۇندىلىقتار بار. ول – ءبىزدىڭ شەجىرەلى تاريحىمىز جانە ءبىزدىڭ بايتاق مادەني مۇرامىز، قازىعى بەرىك مەملەكەتتىك ءتىلىمىز. بۇگىنگە دەيىن قازاقستان – ەلىمىزدى مەكەندەيتىن ەتنوستاردىڭ ءتىلى مەن مادەنيەتتەرىن دامىتۋعا جاعداي جاساپ كەلگەن بىردەن-بىر مەملەكەت. بۇل الەمدىك تاجىريبەدە وتە سيرەك كەزدەسەتىن قۇبىلىس. ەل بىرلىگىن ەسەلەيتىن بۇل قۇندىلىقتار وتانشىلدىق سەزىمىن ورنىقتىرادى. سوندا تاۋەلسىزدىگىمىز ماڭگى، ۇلىسىمىز ىرىستى بولارى ءسوزسىز، – دەدى.
اۋداندىق ءماسليحاتتىڭ حاتشىسى بايماحان ءسادۋاقاسوۆ ەلىمىزدەگى لاتىن الىپبيىنە اۋىسۋعا قاتىستى رەفورمانىڭ ماڭىزدىلىعىنا توقتالا كەلە، كوپشىلىككە ىزگى تىلەگىن جەتكىزدى.
سونىمەن قاتار، "ەل بىرلىگى" قوعامدىق بىرلەستىگىنىڭ اۋدانداعى وكىلى، ەڭبەك ارداگەرى گايدار دانەش ۇلى، تۇرىك ەتنو-مادەني ورتالىعىنىڭ ءتوراعاسى تازابەك احمەتوۆ، سلاۆيان ۇلتتىق ورتالىعىنىڭ وكىلى كسەنيا سەرينكوۆا ءسوز الىپ، كوپشىلىككە جۇرەكجاردى تىلەكتەرىن ارنادى.
مەرەكەلىك شارا اياسىندا ءتۇرلى سالا ۇزدىكتەرى مەن ءتىل جاناشىرلارى ماراپاتتالىپ، قۇرمەتكە بولەندى. جيىن كونسەرتتىك باعدارلاماعا ۇلاستى.
