«El Amanaty» jalpyulttyq saýalnamasy bastaldy
«Aýyl» HDPP tóraǵasynyń birinshi orynbasary Tóleýtai Rahymbekovtyń aitýynsha, azamattardy tolǵandyratyn máselelerdiń tizimi anyqtaldy. Bul densaýlyq saqtaý, bilim berý, sybailas jemqorlyqqa qarsy kúres, jastar saiasaty, turǵyn úimen qamtamasyz etý, aýyl men aýyl sharýashylyǵyn damytý.
– «Aýyl» partiiasy elimizdiń jergilikti qoǵamdastyqtarymen únemi bailanysta bola otyryp, ár óńirdiń eń ózekti máselelerin anyqtady. Búgingi tańda partiia olardy bilýge ǵana emes, sonymen qatar osy máselelerdi jergilikti jerlerde tiimdi sheshý úshin bilikke yqpal etýge tyrysady. Partiia óziniń saiasi platformasyn jetildirý úshin únemi jumys isteidi. Sondyqtan osyndai saýalnama júrgizý bizdiń kózqarastarymyzdy túzetýge, azamattarymyzdy tolǵandyratyn eń ózekti máselelerdi sheshý maqsatynda memlekettik organdarmen ózara is-qimyl boiynsha pármendi sharalar ázirleýge múmkindik beredi, – dep sendirdi Rahymbekov.
Ol sondai-aq amanat sóziniń ózi qazaq tilinde erekshe mánge ie ekenin eske saldy. Sondyqtan barlyǵynyń problemalary jáne árkimniń daýysy mańyzdy.
«Bizdiń oiymyzsha, jurtshylyqtyń túrli áleýmettik jáne ekonomikalyq problemalaryn qamtityn, barlyq qazaqstandyqtardy tolǵandyratyn 15 máseleni aldyn ala iriktedik. Olar halyqtan partiia atyna kelip túsken kóptegen hattar men suranystar negizinde qurastyrylǵan. Biraq usynylǵan suraqtarǵa jaýaptardan basqa, siz mańyzdy dep sanaityn óz problemalaryńyz ben baǵyttaryńyzdy qosymsha engize alasyz», – dep otandastarymyzdy belsendi qatysýǵa shaqyrdy Rahymbekov.
