«اۋىل» حدپپ ءتوراعاسىنىڭ ءبىرىنشى ورىنباسارى تولەۋتاي راحىمبەكوۆتىڭ ايتۋىنشا، ازاماتتاردى تولعاندىراتىن ماسەلەلەردىڭ ءتىزىمى انىقتالدى. بۇل دەنساۋلىق ساقتاۋ، ءبىلىم بەرۋ، سىبايلاس جەمقورلىققا قارسى كۇرەس، جاستار ساياساتى، تۇرعىن ۇيمەن قامتاماسىز ەتۋ، اۋىل مەن اۋىل شارۋاشىلىعىن دامىتۋ.
– «اۋىل» پارتياسى ەلىمىزدىڭ جەرگىلىكتى قوعامداستىقتارىمەن ۇنەمى بايلانىستا بولا وتىرىپ، ءار ءوڭىردىڭ ەڭ وزەكتى ماسەلەلەرىن انىقتادى. بۇگىنگى تاڭدا پارتيا ولاردى بىلۋگە عانا ەمەس، سونىمەن قاتار وسى ماسەلەلەردى جەرگىلىكتى جەرلەردە ءتيىمدى شەشۋ ءۇشىن بيلىككە ىقپال ەتۋگە تىرىسادى. پارتيا ءوزىنىڭ ساياسي پلاتفورماسىن جەتىلدىرۋ ءۇشىن ۇنەمى جۇمىس ىستەيدى. سوندىقتان وسىنداي ساۋالناما جۇرگىزۋ ءبىزدىڭ كوزقاراستارىمىزدى تۇزەتۋگە، ازاماتتارىمىزدى تولعاندىراتىن ەڭ وزەكتى ماسەلەلەردى شەشۋ ماقساتىندا مەملەكەتتىك ورگاندارمەن ءوزارا ءىس-قيمىل بويىنشا پارمەندى شارالار ازىرلەۋگە مۇمكىندىك بەرەدى، – دەپ سەندىردى راحىمبەكوۆ.
ول سونداي-اق امانات ءسوزىنىڭ ءوزى قازاق تىلىندە ەرەكشە مانگە يە ەكەنىن ەسكە سالدى. سوندىقتان بارلىعىنىڭ پروبلەمالارى جانە اركىمنىڭ داۋىسى ماڭىزدى.
«ءبىزدىڭ ويىمىزشا، جۇرتشىلىقتىڭ ءتۇرلى الەۋمەتتىك جانە ەكونوميكالىق پروبلەمالارىن قامتيتىن، بارلىق قازاقستاندىقتاردى تولعاندىراتىن 15 ماسەلەنى الدىن الا ىرىكتەدىك. ولار حالىقتان پارتيا اتىنا كەلىپ تۇسكەن كوپتەگەن حاتتار مەن سۇرانىستار نەگىزىندە قۇراستىرىلعان. ءبىراق ۇسىنىلعان سۇراقتارعا جاۋاپتاردان باسقا، ءسىز ماڭىزدى دەپ سانايتىن ءوز پروبلەمالارىڭىز بەن باعىتتارىڭىزدى قوسىمشا ەنگىزە الاسىز»، – دەپ وتانداستارىمىزدى بەلسەندى قاتىسۋعا شاقىردى راحىمبەكوۆ.
