«EKSPO-2017» halyqaralyq mamandandyrylǵan kórmesi aiasynda tusaýy kesilgen shyǵarma týǵan elge degen súiispenshilikti arttyrý, óńirdiń ásem tabiǵaty men kieli jerlerin jáne tarihi uly tulǵalardyń ómirin nasihattaý baǵytynda túsirilgen. Filmniń maqsaty – óskeleń urpaqqa qazaq halqynyń tarihyndaǵy tuńǵysh kásipqoi balýan, kúsh atasy Qajymuqandy nasihattaý arqyly salaýatty ómir saltyn ustanýǵa, qazaqsha kúreske, sportqa degen qyzyǵýshylyqtaryn arttyrýǵa, óz Otanyn qorǵaý men adal qyzmet etýge, Atamekenine degen tereń súiispenshilik pen patriottyq sezimin oiatýǵa shaqyrady. Bul animatsiialyq filmniń balalarǵa beretin tálim-tárbiesi de mol.
Animatsiialyq film jastarǵa ónege, úlgi sanalatyn uly tulǵalardyń ómirin nasihattaityn qazaq halqynyń maqtanyshyna ainalǵan balýan babamyz Qajymuqan Muńaitpasovtyń erlikterin pash etedi. Film Muqannyń jastyq shaǵynan bastalyp, onyń kishkentai balaǵa sai erlikterin kórsete otyryp, álemdik deńgeidegi bedeldi jarystarǵa, sonyń ishinde japon balýany Sarakikimen kúresin sýretteidi. Sonymen qatar, balýan babamyz halqy úshin, el aralap, óner kórsetip, sodan túsken qarjyǵa áskeri ushaq jasatyp, II Dúnie júzilik soǵys maidanyna jibergeni keńinen nasihattalady.
2D formatyndaǵy týyndyny Shymkenttegi «SAQ» kinostýdiiasy túsirgen. Kórsetilim rejisseri Batyrhan Dáýrenbekov bolsa, stsenarii avtory jáne prodiýseri Baqytjan Quljabaev. Al animatsiialyq filmniń bas operatory Fýrhat Saipov, kompozitory Rýslan Shynyqulov.
