Jinalysty Q.I. Sátbaev atyndaǵy QazUTZÝ- dyń ýákiletti tulǵasy, QazUJǴA akademigi A.A. Zeinýllin ashty. Sóz barysynda «EXPO–2017» maqsaty men mindetterin, sonymen qatar kórme jumysyna daiyndyq kezinde iske asyrylatyn jobalar týraly aitty. Jobalardyń biri – «Online EXPO-2017» halyqaralyq baiqaýyna usynyldy, bul baiqaý EKSPO-2017-ǵa innovatsiialyq irikteý men jobalar úshin jasalynǵan. Irikteý qorytyndysy boiynsha 2015, 2016, 2017 jyldary Bolashaq energiiasy forýmy sheńberinde shaǵyn kórme ótkiziletin bolady. Ekinshi joba – josparlanǵan jáne usynylǵan is-sharalarda taqyryptary keńinen talqylanatyn «G-Global – EXPO» onlain forýmy.
A.A.. Zeinýllin: «Kórme mindeti – energiia qoldanysy densaýlyǵymyz ben qorshaǵan ortanyń qaýipsizdigine tiimdi áseri bar jańa, turaqty energiia kózderin damytýǵa qoǵam nazaryn aýdarý, áleýmettik-ekonomikalyq damýyn jedeldetý bolyp tabylady. Bul kórme bizge erteń bolatyn úlken syn, úlken abyroi. Biz ujymnyń bilikti mamandarymen Bolashaq energiiasyn jasadyq. Ýniversitetimizde ǵylymi-tehnikalyq baǵdarlamalar júzege asyrylýda, osy baǵdarlamalardyń iske asýyna jas ǵalymdar úles qosýy kerek. EKSPO kórmesine laiyqty jobalardy usynýymyz qajet. Halyqaralyq tájiribe boiynsha EKSPO kórmesi siiaqty aýqymdy is-sharalardy ótkizý týrizm salasyn ǵana emes, sonymen birge, ekonomikanyń basqa da salalaryn damytýǵa yqpalyn tigizedi. Statistikaǵa súiensek, 1 týrist ózi kelgen el aýmaǵynda 1,5 myń dollarǵa jýyq qarjyny jumsap, shamamen 6-12 adamdy jumyspen qamtamasyz etedi. Osylaisha kórmeni ótkizýden alynatyn nátije orasan zor», – dedi.
Bolashaqtyń negizgi oqiǵasyna QazUTZÝ-dyń jas ǵalymdary qatyspaýy múmkin emes. Dóńgelek ústel otyrysynda, olar ózderiniń jasyl ekonomika, balamaly energiia kózderin damytý men robototehnika, ǵarysh salalaryndaǵy innovatsiialyq sheshimderge arnalǵan ǵylymi zertteýlerin usynýǵa biregei múmkindikterge ie boldy.
Atalmysh otyrysta QazUTZÝ-dyń Jastar uiymdary komitetiniń tóraǵasy Erkinova Mádinanyń «Bolashaq energiiasy QazUTZÝ jas ǵalymdarynyń qolynda», «Fizika-tehnikalyq institýty» zerthanasynyń meńgerýshisi Nurlan Toqmoldinniń «Kún elementteri men modýlderiniń tik integratsiialanǵan óndirisi», Qoldanbaly ekologiia kafedrasynyń oqytýshysy Óserbaeva Áseldiń «Balamaly energiia kózderi», BJMjMÓT kafedrasynyń doktoranty Ybyraiymqul Darhannyń «Polimer jáne organikalyq zattardyń negizinde iilgish kún batareialarynyń úlgileri» atty baiandamalary usynyldy.
«Robottytehnika jáne avtomatikanyń aqparatty quraldary» kafedrasynyń aǵa oqytýshysy Rýslan Útebaev «Almaty qalasyndaǵy elektromobilderge arnalǵan zariadtaý stantsiialaryn basqarý júielerin óńdeý jáne zertteý» jobasyn usyndy.
Baiandamalar barysynda basqa da ǵylymi zertteýler tyńdaldy. Jinalys sońyndaǵy talqylaýda EKSPO-2017 kórmesine usynylǵan usynystar men pikirler týraly syndarly áńgimeler qozǵaldy.
B.EDILBAEV, Q.Sátbaev atyndaǵy QazUTZÝ Aqparattyq-analitikalyq ortalyǵynyń direktory
