Germaniiada zorlyq-zombylyqpen qaza tapqan eks-sýdia Aigúl Sailybaevanyń ólimine qatysty qylmystyq is boiynsha tergeý jalǵasýda. Bul týraly QR Syrtqy ister ministrliginiń resmi ókili Aibek Smadiiarov málimdedi,- dep habarlaidy Dalanews.kz
Onyń aitýynsha, Germaniianyń quqyq qorǵaý organdary bul fakti boiynsha kisi óltirý babymen is qozǵaǵan. Tergeý barysynda marqumnyń enesi – 49 jastaǵy Natalia Dontsova basty kúdikti retinde tanylyp otyr. Darmshtadt qalasynyń soty ony qamaýǵa alý týraly order shyǵarǵan, alaida qazirgi ýaqytta onyń qaida ekeni belgisiz. Osyǵan bailanysty Dontsovaǵa halyqaralyq izdeý jariialanǵan.
"Tergeý jalǵasyp jatyr. Germaniia tarapy qylmystyq istiń materialdaryn marqumnyń týystary men advokatyna tapsyrdy. Tergeý múddesinde sai jáne taratýǵa bolmaityn málimetterdiń tarap ketýine jol bermeý maqsatynda nemis tarapy bul iske qatysty egjei-tegjeili málimetterdi jariia etpei otyr", - dedi Aibek Smadiiarov BAQ ókilderine arnalǵan brifingte.
Eske salaiyq, 2023 jyldyń maýsym aiynda Germaniianyń Benshaim qalasynyń shetinde 40 jastaǵy Aigúl Sailybaevanyń zorlyq-zombylyq belgileri bar máiiti tabylǵan edi. BAQ málimetterine sáikes, onyń denesinde pyshaq jaraqattary bolǵan. Sol kúni Aigúl Sailybaevamen birge onyń enesi Natalia Dontsova da joǵalyp ketken. Sońǵy ret Dontsova nemeresin balabaqshadan alyp, úiine ákelgen. Sol ýaqyttan beri Natalia Dontsovadan esh habar joq.
Aigúl Sailybaeva – buryn Astanada sýdia bolyp qyzmet etken, Sheffild ýniversitetinde bilim alǵan. Sońǵy jyldary otbasymen birge Germaniiada turǵan.
