"Qazseldenqorǵaý" memlekettik mekemesiniń burynǵy basshysy K. men onyń orynbasary A. ózderiniń qyzmettik ókilettikterine kiretin áreketteri men áreketsizdigi úshin aldyn ala sóz bailasý arqyly adamdar tobynda asa iri mólsherde para alǵany úshin, sondai-aq jalpy qamqorlyǵy úshin aiyptaldy (QK-niń 366-baby 3-bóliginiń 3-tarmaǵy). Sonymen qatar, K.-ǵa bir áreketterdi birneshe ret jasaǵany úshin aiyp taǵyldy (QK-niń 366-babynyń 4-bóligi). JShS direktory P.-ǵa aldaý jáne senimge qiianat jasaý arqyly múliktik zalal keltirdi, urlyq belgileri bolmaǵan kezde, óziniń qyzmettik babyn paidalanyp, iri kólemde ziian keltirdi (QK-niń 195-babynyń 4-bóligi 2-tarmaǵy) jáne laýazymdy tulǵaǵa jeke basyna asa iri mólsherde aqsha túrindegi para berdi degen aiyp taǵyldy (QK-niń 367-babynyń 4-bóligi)", - dep habarlady Almaty oblysy sotynyń baspasóz qyzmeti.
Sot 2022 jylǵy 22 jeltoqsanda sottalýshy A. memlekettik mekemeniń basshysynyń orynbasary bola tura, óziniń qyzmettik múmkindikterin paidalana otyryp, selden qorǵaý bógetterin salýǵa shart jasalǵan merdiger uiymnyń direktory J.-dan para alǵan. Jumystyń oryndalǵany týraly aktilerge kedergisiz qol qoiý jáne jalpy qamqorlyq úshin para berýshi 397 621 AQSh dollarynan astam aqsha bergenin anyqtady. Al sottalýshy P., JShS direktory bola tura, jumystyń oryndalǵany týraly aktilerge kedergisiz qol qoiý jáne jalpy qamqorlyq úshin MM basshysynyń orynbasaryna 397 621 AQSh dollary kóleminde para bergen.
Alqabiler alqasynyń sheshimi boiynsha (kópshilik daýyspen):
- K. ózine taǵylǵan aiyptar boiynsha aqtaldy.
- QK-niń 366-babynyń 4-bóligi boiynsha kináli dep tanylǵan A.-ǵa memlekettik qyzmette laýazymdardy atqarý quqyǵynan ómir boiyna aiyra otyryp, 11 jylǵa bas bostandyǵynan aiyrý jazasy taǵaiyndaldy. 2022 jylǵy 5 jeltoqsandaǵy epizod boiynsha QK-niń 366-babynyń 4-bóligimen sottalýshy A. aqtaldy.
- P. QK-niń 367-babynyń 4-bóligi boiynsha kináli dep tanylyp, memlekettik qyzmette laýazymdardy atqarý quqyǵynan ómir boiyna aiyra otyryp, 11 jylǵa bas bostandyǵynan aiyrý jazasy taǵaiyndaldy. 2022 jylǵy 5 jeltoqsandaǵy epizodqa boiynsha QK-niń 367-babynyń 4-bóligi jáne QK-niń 195-babynyń 4 bóliginiń 2 tarmaǵy boiynsha sottalýshy P. aqtaldy.
"Chemodan gossekretov" telegram arnasynyń málimetinshe,bul iste sýdia men alqabilerge para berilgen bolýy múmkin.
"Antikor bul isti qalai ótkizip alǵany úlken suraq. Qazirgi ýaqytta prokýratýra bul úkimge qatysty narazylyq daiyndap jatyr. Eń ókinishtisi, qaitadan sot júiesine degen senim tómendei bastady. Joǵarǵy sot ta bul iske qatysty úndemei otyr. Úkimge qatysty tolyq tergeý júrýi múmkin", - delingen jazbada.
Al búgin Bas prokýratýra rasynda Kárim Kókrekbaevtyń isi boiynsha úkimge narazylyq engiziletin bolatynyn abarlady.
