"قازسەلدەنقورعاۋ" مەملەكەتتىك مەكەمەسىنىڭ بۇرىنعى باسشىسى ك. مەن ونىڭ ورىنباسارى ا. وزدەرىنىڭ قىزمەتتىك وكىلەتتىكتەرىنە كىرەتىن ارەكەتتەرى مەن ارەكەتسىزدىگى ءۇشىن الدىن الا ءسوز بايلاسۋ ارقىلى ادامدار توبىندا اسا ءىرى مولشەردە پارا العانى ءۇشىن، سونداي-اق جالپى قامقورلىعى ءۇشىن ايىپتالدى (قك-نىڭ 366-بابى 3-بولىگىنىڭ 3-تارماعى).  سونىمەن قاتار، ك.-عا ءبىر ارەكەتتەردى بىرنەشە رەت جاساعانى ءۇشىن ايىپ تاعىلدى (قك-نىڭ 366-بابىنىڭ 4-بولىگى).  ج ش س ديرەكتورى پ.-عا الداۋ جانە سەنىمگە قيانات جاساۋ ارقىلى مۇلىكتىك زالال كەلتىردى، ۇرلىق بەلگىلەرى بولماعان كەزدە، ءوزىنىڭ قىزمەتتىك بابىن پايدالانىپ، ءىرى كولەمدە زيان كەلتىردى (قك-نىڭ 195-بابىنىڭ 4-بولىگى 2-تارماعى) جانە لاۋازىمدى تۇلعاعا جەكە باسىنا اسا ءىرى مولشەردە اقشا تۇرىندەگى پارا بەردى دەگەن ايىپ تاعىلدى (قك-نىڭ 367-بابىنىڭ 4-بولىگى)"، - دەپ حابارلادى الماتى وبلىسى سوتىنىڭ باسپا ءسوز قىزمەتى. 

سوت 2022 جىلعى 22 جەلتوقساندا سوتتالۋشى ا. مەملەكەتتىك مەكەمەنىڭ باسشىسىنىڭ ورىنباسارى بولا تۇرا، ءوزىنىڭ قىزمەتتىك مۇمكىندىكتەرىن پايدالانا وتىرىپ، سەلدەن قورعاۋ بوگەتتەرىن سالۋعا شارت جاسالعان مەردىگەر ۇيىمنىڭ ديرەكتورى ج.-دان پارا العان. جۇمىستىڭ ورىندالعانى تۋرالى اكتىلەرگە كەدەرگىسىز قول قويۋ جانە جالپى قامقورلىق ءۇشىن پارا بەرۋشى 397 621 اقش دوللارىنان استام اقشا بەرگەنىن انىقتادى. ال سوتتالۋشى پ.، ج ش س ديرەكتورى بولا تۇرا، جۇمىستىڭ ورىندالعانى تۋرالى اكتىلەرگە كەدەرگىسىز قول قويۋ جانە جالپى قامقورلىق ءۇشىن مم باسشىسىنىڭ ورىنباسارىنا 397 621 اقش دوللارى كولەمىندە پارا بەرگەن.

القابيلەر القاسىنىڭ شەشىمى بويىنشا (كوپشىلىك داۋىسپەن):

• ك. وزىنە تاعىلعان ايىپتار بويىنشا اقتالدى.
• قك-نىڭ 366-بابىنىڭ 4-بولىگى بويىنشا كىنالى دەپ تانىلعان ا.-عا مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 11 جىلعا باس بوستاندىعىنان ايىرۋ جازاسى تاعايىندالدى. 2022 جىلعى 5 جەلتوقسانداعى ەپيزود بويىنشا قك-نىڭ 366-بابىنىڭ 4-بولىگىمەن سوتتالۋشى ا. اقتالدى.
• پ. قك-نىڭ 367-بابىنىڭ 4-بولىگى بويىنشا كىنالى دەپ تانىلىپ، مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 11 جىلعا باس بوستاندىعىنان ايىرۋ جازاسى تاعايىندالدى. 2022 جىلعى 5 جەلتوقسانداعى ەپيزودقا بويىنشا قك-نىڭ 367-بابىنىڭ 4-بولىگى جانە قك-نىڭ 195-بابىنىڭ 4 بولىگىنىڭ 2 تارماعى بويىنشا سوتتالۋشى پ. اقتالدى.

"چەمودان گوسسەكرەتوۆ" تەلەگرام ارناسىنىڭ مالىمەتىنشە،بۇل ىستە سۋديا مەن القابيلەرگە پارا بەرىلگەن بولۋى مۇمكىن. 

"انتيكور بۇل ءىستى قالاي وتكىزىپ العانى ۇلكەن سۇراق. قازىرگى ۋاقىتتا پروكۋراتۋرا بۇل ۇكىمگە قاتىستى نارازىلىق دايىنداپ جاتىر. ەڭ وكىنىشتىسى، قايتادان سوت جۇيەسىنە دەگەن سەنىم تومەندەي باستادى. جوعارعى سوت تا بۇل ىسكە قاتىستى ۇندەمەي وتىر. ۇكىمگە قاتىستى تولىق تەرگەۋ ءجۇرۋى مۇمكىن"، - دەلىنگەن جازبادا. 

ال بۇگىن باس پروكۋراتۋرا راسىندا كارىم كوكرەكبايەۆتىڭ ءىسى بويىنشا ۇكىمگە نارازىلىق ەنگىزىلەتىن بولاتىنىن ابارلادى.