Экс-шенеунік ақталып шықты: судья мен алқабилер пара алған болуы мүмкін

Көркем Алдабергенова 08 мау. 2024 09:18 6903

Алқабилер соты бірнеше рет пара алды деп айыпталған "Қазселденқорғау" экс-басшысы Кәрім Көкірекбаевты ақтап шығарды. Сарапшылардың сөзінше, судья мен алқабилер пара алған болуы мүмкін. Ал бүгін Қазақстанның Бас прокуратурасы үкімге қатысты мәлімдеме жасады, - деп хабарлайды Dalanews.kz.
 
Күні кеше Алматы облысының қылмыстық істер жөніндегі мамандандырылған ауданаралық сотында алқабилердің қатысуымен ҚР ТЖМ аумақтық бөлімшесінің лауазымды тұлғаларына қатысты қылмыстық іс қаралған болатын. 
 

"Қазселденқорғау" мемлекеттік мекемесінің бұрынғы басшысы К. мен оның орынбасары А. өздерінің қызметтік өкілеттіктеріне кіретін әрекеттері мен әрекетсіздігі үшін алдын ала сөз байласу арқылы адамдар тобында аса ірі мөлшерде пара алғаны үшін, сондай-ақ жалпы қамқорлығы үшін айыпталды (ҚК-нің 366-бабы 3-бөлігінің 3-тармағы).  Сонымен қатар, К.-ға бір әрекеттерді бірнеше рет жасағаны үшін айып тағылды (ҚК-нің 366-бабының 4-бөлігі).  ЖШС директоры П.-ға алдау және сенімге қиянат жасау арқылы мүліктік залал келтірді, ұрлық белгілері болмаған кезде, өзінің қызметтік бабын пайдаланып, ірі көлемде зиян келтірді (ҚК-нің 195-бабының 4-бөлігі 2-тармағы) және лауазымды тұлғаға жеке басына аса ірі мөлшерде ақша түріндегі пара берді деген айып тағылды (ҚК-нің 367-бабының 4-бөлігі)", - деп хабарлады Алматы облысы сотының баспасөз қызметі. 

Сот 2022 жылғы 22 желтоқсанда сотталушы А. мемлекеттік мекеменің басшысының орынбасары бола тұра, өзінің қызметтік мүмкіндіктерін пайдалана отырып, селден қорғау бөгеттерін салуға шарт жасалған мердігер ұйымның директоры Ж.-дан пара алған. Жұмыстың орындалғаны туралы актілерге кедергісіз қол қою және жалпы қамқорлық үшін пара беруші 397 621 АҚШ долларынан астам ақша бергенін анықтады. Ал сотталушы П., ЖШС директоры бола тұра, жұмыстың орындалғаны туралы актілерге кедергісіз қол қою және жалпы қамқорлық үшін ММ басшысының орынбасарына 397 621 АҚШ доллары көлемінде пара берген.

Алқабилер алқасының шешімі бойынша (көпшілік дауыспен):

  • К. өзіне тағылған айыптар бойынша ақталды.
  • ҚК-нің 366-бабының 4-бөлігі бойынша кінәлі деп танылған А.-ға мемлекеттік қызметте лауазымдарды атқару құқығынан өмір бойына айыра отырып, 11 жылға бас бостандығынан айыру жазасы тағайындалды. 2022 жылғы 5 желтоқсандағы эпизод бойынша ҚК-нің 366-бабының 4-бөлігімен сотталушы А. ақталды.
  • П. ҚК-нің 367-бабының 4-бөлігі бойынша кінәлі деп танылып, мемлекеттік қызметте лауазымдарды атқару құқығынан өмір бойына айыра отырып, 11 жылға бас бостандығынан айыру жазасы тағайындалды. 2022 жылғы 5 желтоқсандағы эпизодқа бойынша ҚК-нің 367-бабының 4-бөлігі және ҚК-нің 195-бабының 4 бөлігінің 2 тармағы бойынша сотталушы П. ақталды.

"Чемодан госсекретов" телеграм арнасының мәліметінше,бұл істе судья мен алқабилерге пара берілген болуы мүмкін. 

"Антикор бұл істі қалай өткізіп алғаны үлкен сұрақ. Қазіргі уақытта прокуратура бұл үкімге қатысты наразылық дайындап жатыр. Ең өкініштісі, қайтадан сот жүйесіне деген сенім төмендей бастады. Жоғарғы сот та бұл іске қатысты үндемей отыр. Үкімге қатысты толық тергеу жүруі мүмкін", - делінген жазбада. 

Ал бүгін Бас прокуратура расында Кәрім Көкрекбаевтың ісі бойынша үкімге наразылық енгізілетін болатынын абарлады. 


Ұсынылған
Соңғы жаңалықтар