Atalǵan mekeme qyzmetkerleri 30 mamyrda Atambaevtyń Koi-Tashtaǵy úiine barǵan. Olarmen birge eks-prezidenttiń eki advokaty Sergei Slesarev pen Zamir Jooshev ta barǵan. Áleýmettik jelide taraǵan videoǵa qaraǵanda advokattar men memlekettik qyzmetkerlerdiń arasynda kikiljiń týyndaǵanyn kórýge bolady.
Atambaevtyń ókilderi zattaryn jinaýǵa úsh kún mursat suraǵan. Olar Atambaevtyń otbasy úidiń memleketke ótkeninen habarsyz ekenin aitqan.
– Burynǵy prezident pen onyń otbasy jeke múliginiń memleketke ótkeninen habarsyz. Olarǵa eskertý berýi kerek edi, – deidi advokat Slesarev.
2020 jyldyń maýsym aiynda Bishkektiń Birinshi mai aýdandyq soty Almazbek Atambaevty qylmys áleminiń belsendisi Aziz Batýkaevty zańsyz bosatty degen aiyppen 11 jyl eki aiǵa sottaǵan.
2020 jyldyń qazan aiyndaǵy tóńkeristen keiin eks-prezidenttiń qorǵaýshylary sot protsesi kezinde zań buzýshylyqtar oryn alǵanyn aityp, Joǵarǵy sottan barlyq úkimniń kúshin joiýǵa qol jetkizgen.
Alaida 2021 jyldyń kúzinde Bas prokýratýra 2020 jylǵy Joǵarǵy sottyń sheshimin qaitaryp alý jóninde shaǵymdanǵan. Joǵarǵy sot isti qaita qaraý jóninde sheshim shyǵaryp, keiin eks-prezidentke qatysty birinshi instantsiia úkimin kúshinde qaldyrdy.
