Eks-mádeniet jáne sport ministri Erlan Qojaǵapanovpen birge sottalǵan kásipker Lázzat Kókkózova ózin negizsiz sottady dep eseptep, úkimniń kúshin joiýdy surady, dep habarlaidy Dalanews.kz.
Ol qazirgi tańda úsh aidan beri qamaýda, biraq ne úshin jazaǵa tartylǵanyn túsinbeitinin aitady.
Kókkózovanyń aitýynsha, aiyptaýdyń negizi – kásipkerdiń kelisimshart boiynsha paida kórmeýi tiis degen túsinikke súiengen. Tergeý nusqasy boiynsha, barlyq qarajat tek is-shara shyǵyndaryn óteýge jumsalýy kerek bolǵan.
"Biz uiymdastyrǵan forým tehnikalyq jaǵynan damyǵan, interaktivti ári aýqymdy bolýy qajet edi. Tapsyrys berýshilerdiń talaby osy edi. Nátijesinde, barlyq tarap bizdiń kommertsiialyq usynysty biraýyzdan qoldady. Alaida tergeý bul sheshimdi de zań buzýshylyq dep sanap otyr", – dedi Kókkózova.
Aita keteiik, buǵan deiin Astanada burynǵy mádeniet vitse-ministri Erlan Qojaǵapanovtyń isi boiynsha apelliatsiialyq sot otyrysy bolǵan edi.
Eks-sheneýnik 2018 jyly Qazaqstan men Resei arasyndaǵy XV yntymaqtastyq forýmyn uiymdastyrý kezinde qyzmettik ókiletin teris paidalandy degen aiyppen 3 jylǵa bas bostandyǵynan aiyrylǵan bolatyn. Al SUCCESS agenttiginiń bas direktory Liazzat Kókqozova asa iri kólemdegi alaiaqtyq úshin 5 jylǵa sottalǵan edi. Eki tarap ta úkimge qarsy shaǵym túsirdi.
Apelliatsiialyq tyńdalymda Erlan Qojaǵapanovtyń ózi, onyń qyzy Jamilia (qoǵamdyq qorǵaýshy retinde) jáne Kókqozovanyń apasy Perizat Bekturǵanova sóz sóiledi.
Qojaǵapanov ózine taǵylǵan aiyp negizsiz ekenin aityp, birinshi satydaǵy sot sheshimin kúshin joiýdy surady. Al qyzy Jamilia tergeý kezinde quqyq buzýshylyqtar bolǵanyn alǵa tartty.
"Segiz-toǵyz tergeýshiden quralǵan top úiimizge zańsyz kirip, múlikti qiratyp tastady. Olar anamdy áinek esikke soǵyp, úige kirýge áreket etti. Eshqaisysy ózin tanystyrǵan joq, qaýly da kórsetken joq. Men shynymen bizdi tonaýǵa keldi dep oiladym. Olar azamatty qorǵaýǵa tiis organ retinde emes, qaraqshylardai keldi", - dedi ol.
Kókqozova protseske qatyspady
Apelliatsiiaǵa Kókqozovanyń ózi qatystyrylǵan joq, sebebi prokýratýra jazany qatańdatýdy tek Qojaǵapanovqa qatysty talap etip otyr. Osyǵan bailanysty Perizat Bekturǵanova sottan ápkesin tyńdaýǵa múmkindik berýdi ótindi.
"Sińlimdi basqa qatysýshylardyń pikirin estý múmkindiginen aiyrdy. Onyń óz oiyn jetkizýine de jol berilmei otyr. Sondyqtan odan óz atynan sóz sóileý quqyǵyn berýin suraimyn", - dedi ol.
Alaida sot bul ótinishti qanaǵattandyrmady.
Onyń sózine qaraǵanda, forýmdy uiymdastyrýǵa taǵy eki kompaniia úmitker bolǵan, alaida olardyń usynystary tehnikalyq talaptarǵa sai kelmegendikten qabyldanbaǵan
