Qazaqstannyń burynǵy senat depýtaty Ǵani Qasymov eldiń áskeri qaýipsizdigine qatysty málimdeme jasap, qazirgi jahandyq ahýalǵa bailanysty ulttyq qorǵanys saiasatyn túbegeili qaita qaraý qajet ekenin aitty, dep habarlaidy Dalanews.kz.
Onyń aitýynsha, álemdegi geosaiasi jaǵdaidyń ýshyǵýy Qazaqstandy óz qaýipsizdigine jańa kózqaraspen qaraýǵa májbúrlep otyr.
«Búkil álemde bolyp jatqan jaǵdaidy eskere otyryp, respýblikanyń áskeri doktrinasyn shuǵyl túrde qarastyrýdy usynamyn», - dedi Ǵani Qasymov.
Ulttyq armiia men áskeri-ónerkásiptik keshendi kúsheitý
Eks-depýtattyń pikirinshe, Qazaqstan eshkimge senbei, óz qorǵanys áleýetin ózi qalyptastyrýy kerek.
«Eshkimge senbei, eshkimge úmit artpai, qýatty, zamanaýi ulttyq armiia men áskeri-ónerkásiptik keshendi qarqyndy damytý qajet», - dep jazdy ol.
Ortalyq Aziia men Ázerbaijannyń birlesken qorǵanys odaǵy
Ǵani Qasymov Ortalyq Aziia elderi men Ázerbaijan arasynda ortaq áskeri-qorǵanys odaǵyn qurýdy da usyndy. Onyń oiynsha, aimaq elderi birikpeiinshe, syrtqy qaterlerge qarsy turý qiyn.
«Ortalyq Aziia memleketteri men Ázerbaijannyń biryńǵai áskeri qorǵanys odaǵyn qurý úshin saiasi jáne diplomatiialyq sharalar qabyldaýy kerek», - dedi ol.
Qasymov tek Qytaimen shektelmei, Batys elderimen de qaýipsizdik salasynda kelisimder jasaý qajet dep esepteidi. Onyń aitýynsha, Ortalyq Aziia men Ázerbaijanǵa AQSh pen Eýropa tarapynan da qosymsha qaýipsizdik kepildikteri qajet.
«Qytaidan bólek, AQSh jáne eýropalyq memlekettermen de Ortalyq Aziia men Ázerbaijandy kez kelgen áskeri basqynshylyqtan qorǵaýǵa arnalǵan jańa kepildikter jóninde kelisý kerek», - dedi eks-depýtat.
Shekara mańyn kúsheitý
Burynǵy senator shekara mańyndaǵy aimaqtarǵa erekshe nazar aýdarý kerektigin atap ótti. Ol bul óńirlerdi damytýǵa qarjy bólip, jastar men áskeri qyzmetkerlerdi sol jaqqa kóshirýge yntalandyrý qajet dep sanaidy.
«Shekaralyq aýdandardy igerý úshin qajetti qarjy bólip, ol jerlerge jas otbasylardy, áskeri qyzmetkerlerdi jáne basqa da azamattardy kóshirýge kúshti yntalandyrý tetikterin jasaý kerek», - dedi Qasymov.
"Memlekettik ideologiia armiiany qoldaýǵa baǵyttalýy tiis"
Ǵani Qasymovtyń pikirinshe, memlekettiń búkil ideologiiasy armiianyń, ofitserler men sarbazdardyń bedelin nyǵaitýǵa jumys isteýi qajet.
Ol sondai-aq qazaqstandyq áskeri kadrlardy zamanaýi soǵys tájiribesi bar sheteldik mamandar daiarlaýy tiis dep sanaidy.
«Bizdiń áskeri kadrlardy AQSh, NATO, Qytai, Túrkiia, Ázerbaijan, Ýkraina jáne Reseiden kelgen, qazirgi soǵys jaǵdaiynda tájiribesi bar joǵary deńgeili mamandar oqytýy kerek», - dedi ol.
«Neǵurlym erte bastasaq – soǵurlym tynysh ómir súremiz»
Eks-senatordyń aitýynsha, mundai aýqymdy jumysty neǵurlym erte bastaý el halqynyń qaýipsizdigin soǵurlym senimdi etedi.
