Burynǵy Májilis depýtaty Gúljan Qaraǵusovanyń qyzy Danna Qaraǵusova elimizden ǵaryshqa ushatyn alǵashqy týrist bolmaq, dep habarlaidy Dalanews.kz.
Blue Origin kompaniiasynyń resmi saitynda jariialaǵan derekke súiensek, Dannanyń media, distribýtsiia jáne iskerlik sharalar uiymdastyrý salasynda 25 jyldan astam tájiribesi bar. Ol Portals mýltimodaldy ekojúiesiniń negizin qalaýshylardyń biri. Sonymen qatar buǵan deiin ol Kilimandjaro men Elbrýs shyńdaryn baǵyndyrǵan.
Belgili bloger ári kásipker Beibit Álibekov te eks-jubaiyna qoldaý bildirdi.
“Balalarymnyń anasy 8 qazanda ǵaryshqa ushqaly otyr. Danna Blue Origin kompaniiasynyń alǵashqy qazaqstandyq ǵarysh týristi bolmaq. Sáttilik tileiik!” – dep jazdy ol Telegram-arnasynda.
Aita keteiik, buǵan deiin Danna Qaraǵusova Kilimandjaro men Elbrýs shyńdaryn baǵyndyrǵan.
Týristerdiń qatarynda kimder bar?
Missiia quramynda franchaizing kompaniiasynyń basshysy Djeff Eldjin, injener-elektrik Klint Kelli III, kásipker ári zertteýshi Aaron Niýman, ýkrainalyq investor Vitalii Ostrovskii jáne aty-jónin qupiia qaldyrǵan taǵy bir ǵaryshker bar.
Aqparattarǵa súiensek, Blue Origin kompaniiasy New Shepard baǵdarlamasyndaǵy 15-shi saparyn uiymdastyrmaq.
BAQ dereginshe, ǵarysh týrizminiń quny shamamen 250 myń AQSh dollaryn quraidy.
