بۇرىنعى ءماجىلىس دەپۋتاتى گۇلجان قاراعۇسوۆانىڭ قىزى داننا قاراعۇسوۆا ەلىمىزدەن عارىشقا ۇشاتىن العاشقى تۋريست بولماق، دەپ حابارلايدى Dalanews.kz.

Blue Origin كومپانياسىنىڭ رەسمي سايتىندا جاريالاعان دەرەككە سۇيەنسەك، داننانىڭ مەديا، ديستريبۋسيا جانە ىسكەرلىك شارالار ۇيىمداستىرۋ سالاسىندا 25 جىلدان استام تاجىريبەسى بار. ول Portals مۋلتيمودالدى ەكوجۇيەسىنىڭ نەگىزىن قالاۋشىلاردىڭ ءبىرى. سونىمەن قاتار بۇعان دەيىن ول كيليماندجارو مەن ەلبرۋس شىڭدارىن باعىندىرعان.

بەلگىلى بلوگەر ءارى كاسىپكەر بەيبىت الىبەكوۆ تە ەكس-جۇبايىنا قولداۋ ءبىلدىردى.

“بالالارىمنىڭ اناسى 8 قازاندا عارىشقا ۇشقالى وتىر. داننا Blue Origin كومپانياسىنىڭ العاشقى قازاقستاندىق عارىش ءتۋريستى بولماق. ساتتىلىك تىلەيىك!” – دەپ جازدى ول Telegram-ارناسىندا.

ايتا كەتەيىك، بۇعان دەيىن داننا قاراعۇسوۆا كيليماندجارو مەن ەلبرۋس شىڭدارىن باعىندىرعان.

تۋريستەردىڭ قاتارىندا كىمدەر بار؟

ميسسيا قۇرامىندا فرانچايزينگ كومپانياسىنىڭ باسشىسى دجەفف ەلدجين، ينجەنەر-ەلەكتريك كلينت كەللي ءىىى، كاسىپكەر ءارى زەرتتەۋشى اارون نيۋمان، ۋكراينالىق ينۆەستور ۆيتاليي وستروۆسكيي جانە ءاتى-جونىن قۇپيا قالدىرعان تاعى ءبىر عارىشكەر بار.

اقپاراتتارعا سۇيەنسەك، Blue Origin كومپانياسى New Shepard باعدارلاماسىنداعى 15ء-شى ساپارىن ۇيىمداستىرماق.

ب ا ق دەرەگىنشە، عارىش ءتۋريزمىنىڭ قۇنى شامامەن 250 مىڭ اقش دوللارىن قۇرايدى.