Atyraý oblysynyń Tótenshe jaǵdaılar departamentiniń eks-basshysy Sábıt Bıtaevtyń memleket múlkin óz múddesine paıdalanǵany belgili boldy dep habarlaıdy Dalanews.kz. 

Bıtaev kýrstasy, áriptesi Batys Qazaqstan oblysy Tótenshe jaǵdaılar departamentiniń basshysy Ernur Ótegenovtyń baýyry qaıtys bolýyna baılanysty oǵan kóńil aıtý úshin «Qazáýequtqarý» mekemesiniń ushaǵyn paıdalanyp, memleket qazynasyna 6 667 817,7 teńge shyǵyn keltirgen.

Bul úshin Sábıt Bıtaev 4,5 jylǵa bas bostandyǵynan aıyrylǵan.

Sábıt Bıtaev 2021 jyldyń 21 shildesine deıin Atyraý oblysy Tótenshe jaǵdaılar departamentiniń basshysy qyzmetin atqarǵan bolatyn.