Astanada qyzylshaǵa qatysty epıdemıologıalyq ahýal Úkimet otyrysynda qaraldy, dep habarlaıdy Dala News.
Densaýlyq saqtaý mınıstrliginiń málimetinshe, ótken jyldyń qorytyndysy boıynsha qyzylshaǵa shaldyǵý kórsetkishi 2024 jylmen salystyrǵanda 85% tómendegen. Alaıda bıylǵy jyldyń basynan beri 1951 jaǵdaı tirkelgen.
Eń joǵary syrqattanýshylyq Astana jáne Almaty qalalarynda, sondaı-aq Jambyl jáne Atyraý oblystarynda baıqalady. Aýrýdyń basym bóligi 5 jasqa deıingi balalar arasynda tirkelgen. Mamandardyń aıtýynsha, naýqastardyń kópshiligi ekpe almaǵan, onyń ishinde vaksınasıadan bas tartý jaǵdaılary da bar.
Keńes Premer-mınıstrdiń orynbasary – mádenıet jáne aqparat mınıstri Aıda Balaevanyń tóraǵalyǵymen ótti. Joǵary kórsetkish tirkelgen óńirler ákimderiniń orynbasarlary esep berdi.
Profılaktıkalyq ekpemen qamtý máselesine erekshe nazar aýdaryldy. Birqatar óńirde josparly kórsetkishter oryndalmaǵan. Ásirese Mańǵystaý oblysynda negizgi vaksınalar boıynsha qamtý deńgeıi tómen kúıinde qalyp otyr.
Keńes qorytyndysy boıynsha óńirlik shtabtarǵa qyzylsha boıynsha jaǵdaıdy kún saıyn taldaý, alǵashqy medısınalyq-sanıtarlyq kómek deńgeıinde ataýly jumysty kúsheıtý jáne ımmýndaýdyń mańyzyn túsindirý baǵytyndaǵy aqparattyq jumysty jandandyrý tapsyryldy.
