Ekonomika ministri ailyǵy az azamattarǵa erinbei, aqsha tabýdyń jolyn izdeýge keńes berdi
Jýyrda Ulttyq statistika biýrosy elde ortasha jalaqy 275 myń teńgeni quraǵanyn málimdedi. Alaida áleýmettik jelide qazaqstandyqtardyń basym bóligi mundai jalaqy almaitynyn aityp shaǵymdandy.
Al búgin májiliske "Aýyl – el besigi" jobasy boiynsha baiandama jasaýǵa kelgen ulttyq ekonomika ministri Álibek Qýantyrov bul statistikaǵa senetinin aitty.
"Bizde statistika halyqaralyq standarttar boiynsha qalyptasady. 250 myń teńge - bul ortasha jalaqy ǵoi. Keibir qyzmetkerler birneshe million teńgeden astam jalaqy alady. Endi biri eń tómen jalaqy alady. Sondyqtan ortasha jalaqy osylai shyǵyp tur. Men bul statistikaǵa senemin", - dep jaýap berdi Qýantyrov.
Ol halyqtyń ómir súrý sapasy ártúrli ekenin atap ótti. Onyń aitýynsha, infliatsiia áserinen azamattardyń tabysy tómendep jatyr. Sol sebepti bul máseleni júieli túrde sheshý kerek. Biraq ulttyq ekonomika ministri aýyl halqy aiyna qansha jalaqy alatynyn aita almady.
"Men ony aita almaimyn. Biraq aýyldyń tabysy qalanyń tabysyna qaraǵanda tómen. Qazir biz búkil Qazaqstan boiynsha tabysty arttyrýymyz kerek. Tiisti baǵdarlama bar. Sol boiynsha jumys júrgizemiz", - dedi vedomstvo basshysy.
Osy oraida ulttyq ekonomika ministri qazaqstandyqtarǵa erinbei, aqsha tabýdyń joldaryn izdeýge keńes berdi.
Sýret: inbusiness.kz saitynan
