جۋىردا ۇلتتىق ستاتيستيكا بيۋروسى ەلدە ورتاشا جالاقى 275 مىڭ تەڭگەنى قۇراعانىن مالىمدەدى. الايدا الەۋمەتتىك جەلىدە قازاقستاندىقتاردىڭ باسىم بولىگى مۇنداي جالاقى المايتىنىن ايتىپ شاعىمداندى.
ال بۇگىن ماجىلىسكە "اۋىل – ەل بەسىگى" جوباسى بويىنشا بايانداما جاساۋعا كەلگەن ۇلتتىق ەكونوميكا ءمينيسترى الىبەك قۋانتىروۆ بۇل ستاتيستيكاعا سەنەتىنىن ايتتى.
"بىزدە ستاتيستيكا حالىقارالىق ستاندارتتار بويىنشا قالىپتاسادى. 250 مىڭ تەڭگە - بۇل ورتاشا جالاقى عوي. كەيبىر قىزمەتكەرلەر بىرنەشە ميلليون تەڭگەدەن استام جالاقى الادى. ەندى ءبىرى ەڭ تومەن جالاقى الادى. سوندىقتان ورتاشا جالاقى وسىلاي شىعىپ تۇر. مەن بۇل ستاتيستيكاعا سەنەمىن"، - دەپ جاۋاپ بەردى قۋانتىروۆ.
ول حالىقتىڭ ءومىر ءسۇرۋ ساپاسى ءارتۇرلى ەكەنىن اتاپ ءوتتى. ونىڭ ايتۋىنشا، ينفلياسيا اسەرىنەن ازاماتتاردىڭ تابىسى تومەندەپ جاتىر. سول سەبەپتى بۇل ماسەلەنى جۇيەلى تۇردە شەشۋ كەرەك. ءبىراق ۇلتتىق ەكونوميكا ءمينيسترى اۋىل حالقى ايىنا قانشا جالاقى الاتىنىن ايتا المادى.
"مەن ونى ايتا المايمىن. ءبىراق اۋىلدىڭ تابىسى قالانىڭ تابىسىنا قاراعاندا تومەن. ءقازىر ءبىز بۇكىل قازاقستان بويىنشا تابىستى ارتتىرۋىمىز كەرەك. ءتيىستى باعدارلاما بار. سول بويىنشا جۇمىس جۇرگىزەمىز"، - دەدى ۆەدومستۆو باسشىسى.
وسى ورايدا ۇلتتىق ەكونوميكا ءمينيسترى قازاقستاندىقتارعا ەرىنبەي، اقشا تابۋدىڭ جولدارىن ىزدەۋگە كەڭەس بەردى.
سۋرەت: inbusiness.kz سايتىنان
