Shymkentte qoǵam nazaryn aýdarǵan Nurai Serikbaidyń ólimine qatysty qylmystyq is boiynsha sottyń aldyn ala tyńdaýy ótti. Sot otyrysynda prokýror aiyptaý aktisin jariialap, sottalýshyǵa taǵylǵan aiyptardy baiandady, dep habarlaidy dalanews.kz.
Tergeý nusqasyna sáikes, aiyptalýshy Nurai Serikbaidy erkinen tys alyp qashyp, keiin uzaq ýaqyt boiy ańdyǵan. Sondai-aq qyzǵa birneshe ret habarlasyp, mazasyn alǵany aityldy. Is materialdarynda onyń kei kezderi eki saǵattyń ishinde 76 ret qońyraý shalǵany kórsetilgen.
Aiyptaý tarapynyń málimetinshe, qylmys bolǵan kúni aiyptalýshy Nuraidy saiabaqqa barýǵa shaqyrǵan. Qyz onyń usynysynan bas tartqannan keiin aralarynda janjal shyqqan.
Tergeý dereginde er adamnyń Nuraiǵa birneshe ret pyshaq jaraqatyn salǵany kórsetilgen. Saraptama qorytyndysyna sáikes, jábirlenýshiniń denesinen 35 pyshaq jaraqaty anyqtalǵan.
