Eki qazaqstandyq oligarh Vladimir Kim men Viachaslav Kim álemdegi eń bai adamdardyń tiziminde júr, - dep habarlaidy Dalanews.kz.
Tizimdi Bloomberg jariia etti.
Aita keteiik, tizimdegi eki qazaqstandyq ta TOP-500-de. Vladimir Kim 362-orynda bolsa, Viachaslav Kim 492-orynǵa jaiǵasqan.
Ashyq derekkózderdegi málimet boiynsha, Vladimir Kimniń bailyǵy 7,1 milliard dollar dep baǵalanady. Al 54 jastaǵy Viachaslav Kimniń jaǵdaiy 5,7 milliard dollar dep baǵalanǵan.
Álemdik tizimde birinshi orynda – Amazon kompaniiasynyń negizin qalaýshy Djeff Bezos. Odan keiingi orynda Ilon Mask bolsa, úshinshi orynǵa LVMH Moet Hennessy – Louis Vuitton direktorlar keńesiniń tóraǵasy Bernar Arno jaiǵasqan.
Aia keteiik, buǵan deiin Nazarbaevtyń "ámiiany" Vladimir Kimniń eks prezidentpen bailanysty biznes imperiiasy týraly jazǵan bolatynbyz. Qazaqstandaǵy eń bai adam Vladimir Kimniń bailyǵy 4,6 mlrd dollarǵa baǵalanǵan. Qoǵamda Kim - Nazarbaevtyń "ámiiany" degen sóz bar. Kimniń Nazarbaevpen bailanysty qandai kásibi bary anyqtaldy.
