Qazaqstanda QazTech platformasynda ázirlengen zamanaýi eGov 3.0 portaly iske qosyldy, dep habarlaidy dalanews.kz.
Ol memlekettik qyzmetterdi kórsetýdi ońtailandyrýǵa, artyq talaptardy boldyrmaýǵa jáne infraqurylymǵa júktemeni azaitýǵa múmkindik berdi. Bul týraly Úkimet otyrysynda premer-ministrdiń orynbasary – jasandy intellekt jáne tsifrlyq damý ministri Jaslan Mádiev málimdedi.
"Jaqynda QazTech platformasynda ázirlengen zamanaýi eGov 3.0 portaly iske qosyldy. Qyzmetter barynsha ońai, paidalanýshy úshin yńǵaily formatta jinaqtaldy. Talaptar men qadamdar sany azaidy. Suranysqa ie qyzmetterdiń bir bóligi jańa formatta qoljetimdi", - dedi Jaslan Mádiev.
