Óńirde 2026 jylǵy kóktemgi dala jumystaryna daiyndyq qyzý júrip jatyr, dep habarlaidy Dala News.
Biyl aýyl sharýashylyǵy daqyldaryn 438 myń gektar alqapqa ornalastyrý josparlanǵan. Onyń ishinde 224 myń gektary nemese 51%-y sýarmaly jerler.
Egis qurylymyna sáikes:
•dándi daqyldar – 175 myń ga (onyń ishinde júgeri – 55,7 myń ga);
•maily daqyldar – 26,6 myń ga;
•kartop – 9,7 myń ga;
•kókónister – 17,1 myń ga;
•baqsha daqyldary – 2,9 myń ga;
•mal azyqtyq daqyldar – 206,6 myń ga.
Sonymen qatar 25,2 myń gektar jerge kúzdik daqyldar egilgen.
Egis jumystaryna 56 myń tonna tuqym daiyndaldy, al alqaptarǵa 78,4 myń tonna mineraldy tyńaitqysh engizý josparlanyp otyr.
«Keń dala» baǵdarlamasy aiasynda kóktemgi jáne kúzgi dala jumystaryna 10 mlrd teńge bólingen. Qazirdiń ózinde 3,5 mlrd teńgege 28 ótinim qabyldanǵan.
Sharýalar egis naýqanyna 5,4 myń tonna jeńildetilgen dizel otynyna ótinim bergen.
Aimaqta aýyl sharýashylyǵy tehnikasyn jańartý jumystary da jalǵasýda. Qazirgi tańda óńirde 13,8 myń birlik aýyl sharýashylyǵy tehnikasy bar, onyń 97%-y kóktemgi dala jumystaryna daiyn. Biyl qosymsha 640 jańa tehnika satyp alý josparlanǵan.
Agrarlar biylǵy egis naýqanyn ýaqtyly ári uiymdasqan túrde ótkizýge daiyn ekenin málimdedi.
