Qazaqstanda egis jumystaryna nesie berýde fermerlerge qoiylatyn talaptar qaita qarastyrylmaq. Bul týraly Aýyl sharýashylyǵy ministri Aidarbek Saparovtyń "Báiterek" holdingi basshylyǵymen, sondai-aq holding quramyna kiretin qarjy institýttarynyń ókilderimen kezdesýi kezinde málim boldy, dep jazady Dalanews.kz.
"Kezdesý barysynda egis jumystaryna nesie alý kezinde fermerlerge qoiylatyn jekelegen talaptardy alyp tastaý máselesi qaraldy. Ministrdiń tapsyrmalary "Báiterek" holdinginiń jumysyna alyndy jáne jaqyn arada qaita qaralatyn bolady", - deidi quzyrly vedomstvo.
Kezdesýde 2025 jylǵy kóktemgi egis jáne egin jinaý jumystaryn erte qarjylandyrýǵa ótinimderdi qabyldaýǵa qatysty máselelerge nazar aýdaryldy. Prezidenttiń tapsyrmasyn oryndaý sheńberinde osy maqsattarǵa 700 mlrd teńgege deiin baǵyttaý josparlanýda, onyń 560 mlrd teńgesi naryqtyq kapital kózderinen tartylatyn bolady.
2024 jyldyń 29 qarashasynan bastap "Agrarlyq nesie korporatsiiasy" AQ "Keń dala 2" baǵdarlamasy boiynsha jyldyq 5% jeńildikti syiaqy mólsherlemesimen qarjylandyrý ashyldy. 1364 aýyl sharýashylyǵy taýaryn óndirýshilerden shamamen 205,1 mlrd teńge somaǵa ótinimderdiń jalpy pýly qalyptastyryldy, onyń ishinde 1253 AShTÓ-den 195,5 mlrd teńge somaǵa ótinimder jumysqa qabyldandy. 125,6 mlrd teńge somasyna 907 AShTÓ qarjylandyryldy.
Sonymen qatar, kezdesý barysynda yntymaqtastyqty keńeitý, jeńildetilgen kredit berý baǵyttary, agrarlyq sektorǵa investitsiialar tartý, agroónerkásiptik keshenniń basym baǵyttary boiynsha "AKK" AQ qarajatyna iske asyrylatyn jobalar, qarjylandyrýdyń jańa tetikteri jáne 2025 jylǵa arnalǵan josparlar qaraldy.
Memleket basshysynyń tapsyrmalaryn iske asyrý sheńberinde Aidarbek Saparov aýyl sharýashylyǵynyń turaqty damýyna qol jetkizý, agrarlyq sektordy qoldaý boiynsha jańa baǵyttardy engizý jáne salany qarjylandyrý qarqynyn kúsheitý qajettiligi úshin yntymaqtastyqtyń mańyzdylyǵyn atap ótti.
Buǵan deiin Úkimet ósirýdi usynǵan qosymsha qun salyǵy aýylsharýashylyǵy salasyn qamtymaýy múmkin ekeni aitylǵan.
