EFES Qazaqstan Efes Art Space-2023 baıqaýynyń jeńimpazdaryn anyqtady

Dalanews 23 aqp. 2024 15:51 2269

2024 jyly 23 aqpanda Almatyda Lumiere Hall óner keńistiginde jyl saıynǵy Efes Art Space Award marapattaý rásimi ótti. Munda barlyq qatysýshy sýretshiniń kórnekti jumystary kórsetilip, jeńimpazdardyń esimi belgili boldy, dep habarlaıdy Dalanews.kz.

Marapattaý rásimine medıa salasynyń ókilderi, tanymal sýretshiler, kompanıa seriktesteri, sondaı-aq Efes Art Space-2023 baıqaýynyń barlyq qatysýshysy boı kórsetti. Osylaısha kelgen qonaqtar bir-birimen oı-pikir almasyp, shabytqa toly erekshe aýra qalyptastyrdy.

2023 jyly Efes Art Space alańynda Qazaqstannyń ár túrli aımaqtarynan kelgen zamanaýı sýretshiler, fotograftar men qolónershilerdiń jumystary qoıylyp, bas-aıaǵy on kórme ótti. Efes Art Space Award baıqaýynda Efes Kazakhstan ókilderi Zeınep Erkan Alp pen Svetlana Chvanova, óner kýratory Olá Veselova, sýretshi Arystanbek Shalbaev jáne eko belsendi Ajar Jandosova bar qazylar alqasy birneshe nomınasıalar boıynsha úzdik jobalardy atap ótti.

1-oryn – sýretshi Gúlbaram Asqarovanyń "Jyrtylǵan jıek" sýretterdiń kórmesi. Astanalyq sýretshiniń týyndysy onyń qaıtalanbas álemin quraıtyn oılar men sezimder aǵynyn sýretteıdi. Kórmeniń serpindi bolyp kórinetin baıandaýy avtordyń jeke kórkem oı-tolǵaýlarynyń jıyntyǵy bolyp tabylady, onda salbyraǵan syzyqtar onyń kórkemdik stıliniń ajyramas bóligine aınalady. Efes Kazakhstan kompanıasy jeńimpazǵa Túrkıaǵa joldama syılady.

2 oryn – "Ejelgi. Qara. Kózimizge ottaı basylady" atty kórmede Qaraǵandy kómirin paıdalaný arqyly qurastyrý tehnıkasy arqyly jasalǵan sýretterdiń avtorlary "Skrap-ı-Á" shyǵarmashylyq stýdıasynyń qyzmetkerleri Iýlıa Komarnıskaıa men Galına Kolomenskaıa. Olardyń teńdesi joq jumystary kórmege kelýshiler arasynda tereń emosıalar týdyrdy. Bul jınaq qara altynǵa jáne ony jer qoınaýynan óndirip jatqan barsha kenshilerge arnaldy. Kórme avtorlary kompanıa tarapynan 500 000 teńge ıelendi.

Qazylar alqasynyń sheshimi boıynsha 3-oryn eki jobaǵa berildi. Olar «Mashanyń hattary» mýltımedıalyq jobasy jáne «Keneptiń syrtynda» kórmesi.

Marıa Dýbodelova - "Mashadan hattar" kórmesiniń avtory ári "Deıstvıe býkvalno" ınklúzıvti teatrynyń aktrısasy. Onyń jumystary kórme qonaqtaryna neıro erekshe adamdardyń qaıtalanbas ishki álemine enýge múmkindik berdi. Marıanyń shyǵarmashylyǵyna qoldaý kórsetý belgisi retinde Efes Kazakhstan jańa maýsymdaǵy qoıylymdarǵa 100 bılet satyp aldy.

"Keńeptiń syrtynda" kórmesiniń avtory - Eldos Aman jas sýretshi. Onyń jumysy materıaldy zertteýdi kórkemdik tájirıbemen biriktirýdi jáne óz sýbektileriniń sensorlyq tájirıbesin berýdi beıneleıdi. Efes Kazakhstan kompanıasy Eldosqa Meloman dúkenine nomınaldy quny 100 000 teńgelik syılyq sertıfıkatyn tabys etti.

"Efes Art Space jobamyzdyń basty maqsaty – óner salasyndaǵy biregeı ıdeıalarǵa qoldaý kórsetý. Ótken jyly kórmege kelýshiler Qazaqstannyń mádenı murasynyń baılyǵyn aıqyn kórsetetin túrli janrdaǵy sýretshilerdiń týyndylarymen tanysýǵa múmkindik aldy. Art-platforma ónerdiń ómirimizdegi mańyzdylyǵyna nazar aýdara otyryp, shyǵarmashylyq órkendeıtin orynǵa aınalýǵa umtylady, sonymen qatar qazirgi álemdegi mádenı dástúrlerdiń alýan túrliligin eske salady", - deıdi marketıń departamentiniń dırektory Zeınep Erkan Alp.

Efes Kazakhstan turaqty damý strategıasynyń aıasynda Almaty qalasyn standartty emes kóp fýnksıonaldy óner alańymen qamtamasyz etý týraly sheshim qabyldandy. Efes Art Space bastamasy Qazaqstannyń mádenı murasy men tarıhyn saqtaýdyń mańyzdylyǵyn aıta otyryp, óner salasyndaǵy ınovasıalyq ıdeıalardy qoldaýǵa baǵyttalǵan.