2024 жылы 23 ақпанда Алматыда Lumiere Hall өнер кеңістігінде жыл сайынғы Efes Art Space Award марапаттау рәсімі өтті. Мұнда барлық қатысушы суретшінің көрнекті жұмыстары көрсетіліп, жеңімпаздардың есімі белгілі болды, деп хабарлайды Dalanews.kz.
Марапаттау рәсіміне медиа саласының өкілдері, танымал суретшілер, компания серіктестері, сондай-ақ Efes Art Space-2023 байқауының барлық қатысушысы бой көрсетті. Осылайша келген қонақтар бір-бірімен ой-пікір алмасып, шабытқа толы ерекше аура қалыптастырды.
2023 жылы Efes Art Space алаңында Қазақстанның әр түрлі аймақтарынан келген заманауи суретшілер, фотографтар мен қолөнершілердің жұмыстары қойылып, бас-аяғы он көрме өтті. Efes Art Space Award байқауында Efes Kazakhstan өкілдері Зейнеп Еркан Альп пен Светлана Чванова, өнер кураторы Оля Веселова, суретші Арыстанбек Шалбаев және эко белсенді Ажар Жандосова бар қазылар алқасы бірнеше номинациялар бойынша үздік жобаларды атап өтті.
1-орын – суретші Гүлбарам Асқарованың "Жыртылған жиек" суреттердің көрмесі. Астаналық суретшінің туындысы оның қайталанбас әлемін құрайтын ойлар мен сезімдер ағынын суреттейді. Көрменің серпінді болып көрінетін баяндауы автордың жеке көркем ой-толғауларының жиынтығы болып табылады, онда салбыраған сызықтар оның көркемдік стилінің ажырамас бөлігіне айналады. Efes Kazakhstan компаниясы жеңімпазға Түркияға жолдама сыйлады.
2 орын – "Ежелгі. Қара. Көзімізге оттай басылады" атты көрмеде Қарағанды көмірін пайдалану арқылы құрастыру техникасы арқылы жасалған суреттердің авторлары "Скрап-и-Я" шығармашылық студиясының қызметкерлері Юлия Комарницкая мен Галина Коломенская. Олардың теңдесі жоқ жұмыстары көрмеге келушілер арасында терең эмоциялар тудырды. Бұл жинақ қара алтынға және оны жер қойнауынан өндіріп жатқан барша кеншілерге арналды. Көрме авторлары компания тарапынан 500 000 теңге иеленді.
Қазылар алқасының шешімі бойынша 3-орын екі жобаға берілді. Олар «Машаның хаттары» мультимедиялық жобасы және «Кенептің сыртында» көрмесі.
Мария Дубоделова - "Машадан хаттар" көрмесінің авторы әрі "Действие буквально" инклюзивті театрының актрисасы. Оның жұмыстары көрме қонақтарына нейро ерекше адамдардың қайталанбас ішкі әлеміне енуге мүмкіндік берді. Марияның шығармашылығына қолдау көрсету белгісі ретінде Efes Kazakhstan жаңа маусымдағы қойылымдарға 100 билет сатып алды.
"Кеңептің сыртында" көрмесінің авторы - Елдос Аман жас суретші. Оның жұмысы материалды зерттеуді көркемдік тәжірибемен біріктіруді және өз субъектілерінің сенсорлық тәжірибесін беруді бейнелейді. Efes Kazakhstan компаниясы Елдосқа Meloman дүкеніне номиналды құны 100 000 теңгелік сыйлық сертификатын табыс етті.
"Efes Art Space жобамыздың басты мақсаты – өнер саласындағы бірегей идеяларға қолдау көрсету. Өткен жылы көрмеге келушілер Қазақстанның мәдени мұрасының байлығын айқын көрсететін түрлі жанрдағы суретшілердің туындыларымен танысуға мүмкіндік алды. Арт-платформа өнердің өміріміздегі маңыздылығына назар аудара отырып, шығармашылық өркендейтін орынға айналуға ұмтылады, сонымен қатар қазіргі әлемдегі мәдени дәстүрлердің алуан түрлілігін еске салады", - дейді маркетинг департаментінің директоры Зейнеп Еркан Алп.
Efes Kazakhstan тұрақты даму стратегиясының аясында Алматы қаласын стандартты емес көп функционалды өнер алаңымен қамтамасыз ету туралы шешім қабылданды. Efes Art Space бастамасы Қазақстанның мәдени мұрасы мен тарихын сақтаудың маңыздылығын айта отырып, өнер саласындағы инновациялық идеяларды қолдауға бағытталған.
Байқауға қатысу бойынша толық ақпарат сілтеме бойынша ұсынылған: https://bitly.ws/3bP3Z
