EFES قازاقستان Efes Art Space-2023 بايقاۋىنىڭ جەڭىمپازدارىن انىقتادى

Dalanews 23 اقپ. 2024 15:51 1862

2024 جىلى 23 اقپاندا الماتىدا Lumiere Hall ونەر كەڭىستىگىندە جىل سايىنعى Efes Art Space Award ماراپاتتاۋ ءراسىمى ءوتتى. مۇندا بارلىق قاتىسۋشى سۋرەتشىنىڭ كورنەكتى جۇمىستارى كورسەتىلىپ، جەڭىمپازداردىڭ ەسىمى بەلگىلى بولدى، دەپ حابارلايدى Dalanews.kz.

ماراپاتتاۋ راسىمىنە مەديا سالاسىنىڭ وكىلدەرى، تانىمال سۋرەتشىلەر، كومپانيا سەرىكتەستەرى، سونداي-اق Efes Art Space-2023 بايقاۋىنىڭ بارلىق قاتىسۋشىسى بوي كورسەتتى. وسىلايشا كەلگەن قوناقتار بىر-بىرىمەن وي-پىكىر الماسىپ، شابىتقا تولى ەرەكشە اۋرا قالىپتاستىردى.

2023 جىلى Efes Art Space الاڭىندا قازاقستاننىڭ ءار ءتۇرلى ايماقتارىنان كەلگەن زاماناۋي سۋرەتشىلەر، فوتوگرافتار مەن قولونەرشىلەردىڭ جۇمىستارى قويىلىپ، باس-اياعى ون كورمە ءوتتى. Efes Art Space Award بايقاۋىندا Efes Kazakhstan وكىلدەرى زەينەپ ەركان الپ پەن سۆەتلانا چۆانوۆا، ونەر كۋراتورى وليا ۆەسەلوۆا، سۋرەتشى ارىستانبەك شالبايەۆ جانە ەكو بەلسەندى اجار جاندوسوۆا بار قازىلار القاسى بىرنەشە نوميناسيالار بويىنشا ۇزدىك جوبالاردى اتاپ ءوتتى.


1-ورىن
– سۋرەتشى گۇلبارام اسقاروۆانىڭ "جىرتىلعان جيەك" سۋرەتتەردىڭ كورمەسى. استانالىق سۋرەتشىنىڭ تۋىندىسى ونىڭ قايتالانباس الەمىن قۇرايتىن ويلار مەن سەزىمدەر اعىنىن سۋرەتتەيدى. كورمەنىڭ سەرپىندى بولىپ كورىنەتىن بايانداۋى اۆتوردىڭ جەكە كوركەم وي-تولعاۋلارىنىڭ جيىنتىعى بولىپ تابىلادى، وندا سالبىراعان سىزىقتار ونىڭ كوركەمدىك ءستيلىنىڭ اجىراماس بولىگىنە اينالادى. Efes Kazakhstan كومپانياسى جەڭىمپازعا تۇركياعا جولداما سىيلادى.

2 ورىن – "ەجەلگى. قارا. كوزىمىزگە وتتاي باسىلادى" اتتى كورمەدە قاراعاندى ​​كومىرىن پايدالانۋ ارقىلى قۇراستىرۋ تەحنيكاسى ارقىلى جاسالعان سۋرەتتەردىڭ اۆتورلارى "سكراپ-ي-يا" شىعارماشىلىق ستۋدياسىنىڭ قىزمەتكەرلەرى يۋليا كومارنيسكايا مەن گالينا كولومەنسكايا. ولاردىڭ تەڭدەسى جوق جۇمىستارى كورمەگە كەلۋشىلەر اراسىندا تەرەڭ ەموسيالار تۋدىردى. بۇل جيناق قارا التىنعا جانە ونى جەر قويناۋىنان ءوندىرىپ جاتقان بارشا كەنشىلەرگە ارنالدى. كورمە اۆتورلارى كومپانيا تاراپىنان 500 000 تەڭگە يەلەندى.

قازىلار القاسىنىڭ شەشىمى بويىنشا 3-ورىن ەكى جوباعا بەرىلدى. ولار «ماشانىڭ حاتتارى» مۋلتيمەديالىق جوباسى جانە «كەنەپتىڭ سىرتىندا» كورمەسى.

ماريا دۋبودەلوۆا - "ماشادان حاتتار" كورمەسىنىڭ اۆتورى ءارى "دەيستۆيە بۋكۆالنو" ينكليۋزيۆتى تەاترىنىڭ اكتريساسى. ونىڭ جۇمىستارى كورمە قوناقتارىنا نەيرو ەرەكشە ادامداردىڭ قايتالانباس ىشكى الەمىنە ەنۋگە مۇمكىندىك بەردى. ماريانىڭ شىعارماشىلىعىنا قولداۋ كورسەتۋ بەلگىسى رەتىندە Efes Kazakhstan جاڭا ماۋسىمداعى قويىلىمدارعا 100 بيلەت ساتىپ الدى.

"كەڭەپتىڭ سىرتىندا" كورمەسىنىڭ اۆتورى - ەلدوس امان جاس سۋرەتشى. ونىڭ جۇمىسى ماتەريالدى زەرتتەۋدى كوركەمدىك تاجىريبەمەن بىرىكتىرۋدى جانە ءوز سۋبەكتىلەرىنىڭ سەنسورلىق تاجىريبەسىن بەرۋدى بەينەلەيدى. Efes Kazakhstan كومپانياسى ەلدوسقا Meloman دۇكەنىنە نومينالدى قۇنى 100 000 تەڭگەلىك سىيلىق سەرتيفيكاتىن تابىس ەتتى.

 "Efes Art Space جوبامىزدىڭ باستى ماقساتى – ونەر سالاسىنداعى بىرەگەي يدەيالارعا  قولداۋ كورسەتۋ. وتكەن جىلى كورمەگە كەلۋشىلەر قازاقستاننىڭ مادەني مۇراسىنىڭ بايلىعىن ايقىن كورسەتەتىن ءتۇرلى جانرداعى سۋرەتشىلەردىڭ تۋىندىلارىمەن تانىسۋعا مۇمكىندىك الدى. ارت-پلاتفورما ونەردىڭ ومىرىمىزدەگى ماڭىزدىلىعىنا نازار اۋدارا وتىرىپ، شىعارماشىلىق وركەندەيتىن ورىنعا اينالۋعا ۇمتىلادى، سونىمەن قاتار قازىرگى الەمدەگى مادەني داستۇرلەردىڭ الۋان تۇرلىلىگىن ەسكە سالادى"، - دەيدى ماركەتينگ دەپارتامەنتىنىڭ ديرەكتورى زەينەپ ەركان الپ.


Efes Kazakhstan تۇراقتى دامۋ ستراتەگياسىنىڭ اياسىندا الماتى قالاسىن ستاندارتتى ەمەس كوپ فۋنكسيونالدى ونەر الاڭىمەن قامتاماسىز ەتۋ تۋرالى شەشىم قابىلداندى. Efes Art Space باستاماسى قازاقستاننىڭ مادەني مۇراسى مەن تاريحىن ساقتاۋدىڭ ماڭىزدىلىعىن ايتا وتىرىپ، ونەر سالاسىنداعى يننوۆاسيالىق يدەيالاردى قولداۋعا باعىتتالعان.

بايقاۋعا قاتىسۋ بويىنشا تولىق اقپارات سىلتەمە بويىنشا ۇسىنىلعان: https://bitly.ws/3bP3Z


ۇسىنىلعان
سوڭعى جاڭالىقتار
x