Qazaqstan Syrtqy ister ministrligi azamattardy jazǵy demalys baǵytyn tańdaýda saq bolýǵa shaqyrdy, dep habarlaidy dalanews.kz.
Syrtqy ister ministriniń birinshi orynbasary Erjan Ashyqbaevtyń aitýynsha, qazirgi ýaqytta Iranǵa jáne Afrikanyń birqatar memleketterine saparlaýdan bas tartqan jón.
Onyń sózinshe, bul elderde saiasi jaǵdaidyń turaqsyz bolýy men epidemiologiialyq ahýaldyń kúrdelenýi qaýipsizdik máselesin ózekti etip otyr.
Sondai-aq densaýlyq saqtaý salasyndaǵy halyqaralyq uiymdar men birqatar memleketter Ebola bezgeginiń taralýyna bailanysty qosymsha saqtyq sharalaryn qabyldap jatyr.
Atap aitqanda, Úndistan biligi áýejailardaǵy sanitarlyq baqylaýdy kúsheitip, azamattaryna Kongo Demokratiialyq Respýblikasy, Ýganda jáne Ońtústik Sýdanǵa saparlamaýǵa keńes bergen.
Qazaqstannyń Syrtqy ister ministrligi de shetelge shyǵýdy josparlaǵan azamattarǵa baratyn eldegi qaýipsizdik jaǵdaiyn aldyn ala zerdelep, resmi eskertýlerdi eskerýge keńes beredi.
Sonymen qatar vedomstvo buǵan deiin qazaqstandyqtarǵa Ońtústik-Shyǵys Aziiadaǵy qolaily týristik baǵyttardy qarastyrýdy usynǵan bolatyn.
Qazirgi tańda Tailand, Vetnam jáne Kambodja óńirdegi qaýipsiz ári suranysqa ie týristik baǵyttardyń qatarynda qalyp otyr.
SIM ókilderi shetelge shyǵatyn azamattardy saqtyq sharalaryn saqtaýǵa, sondai-aq sapar aldynda resmi aqparat kózderindegi málimettermen tanysýǵa shaqyrdy.
