قازاقستان سىرتقى ٸستەر مينيسترلٸگٸ ازاماتتاردى جازعى دەمالىس باعىتىن تاڭداۋدا ساق بولۋعا شاقىردى, دەپ حابارلايدى dalanews.kz.
سىرتقى ٸستەر مينيسترٸنٸڭ بٸرٸنشٸ ورىنباسارى ەرجان اشىقباەۆتىڭ ايتۋىنشا, قازٸرگٸ ۋاقىتتا يرانعا جەنە افريكانىڭ بٸرقاتار مەملەكەتتەرٸنە ساپارلاۋدان باس تارتقان جٶن.
ونىڭ سٶزٸنشە, بۇل ەلدەردە ساياسي جاعدايدىڭ تۇراقسىز بولۋى مەن ەپيدەميولوگييالىق احۋالدىڭ كٷردەلەنۋٸ قاۋٸپسٸزدٸك مەسەلەسٸن ٶزەكتٸ ەتٸپ وتىر.
سونداي-اق دەنساۋلىق ساقتاۋ سالاسىنداعى حالىقارالىق ۇيىمدار مەن بٸرقاتار مەملەكەتتەر ەبولا بەزگەگٸنٸڭ تارالۋىنا بايلانىستى قوسىمشا ساقتىق شارالارىن قابىلداپ جاتىر.
اتاپ ايتقاندا, ٷندٸستان بيلٸگٸ ەۋەجايلارداعى سانيتارلىق باقىلاۋدى كٷشەيتٸپ, ازاماتتارىنا كونگو دەموكراتييالىق رەسپۋبليكاسى, ۋگاندا جەنە وڭتٷستٸك سۋدانعا ساپارلاماۋعا كەڭەس بەرگەن.
قازاقستاننىڭ سىرتقى ٸستەر مينيسترلٸگٸ دە شەتەلگە شىعۋدى جوسپارلاعان ازاماتتارعا باراتىن ەلدەگٸ قاۋٸپسٸزدٸك جاعدايىن الدىن الا زەردەلەپ, رەسمي ەسكەرتۋلەردٸ ەسكەرۋگە كەڭەس بەرەدٸ.
سونىمەن قاتار ۆەدومستۆو بۇعان دەيٸن قازاقستاندىقتارعا وڭتٷستٸك-شىعىس ازيياداعى قولايلى تۋريستٸك باعىتتاردى قاراستىرۋدى ۇسىنعان بولاتىن.
قازٸرگٸ تاڭدا تايلاند, ۆەتنام جەنە كامبودجا ٶڭٸردەگٸ قاۋٸپسٸز ەرٸ سۇرانىسقا يە تۋريستٸك باعىتتاردىڭ قاتارىندا قالىپ وتىر.
سٸم ٶكٸلدەرٸ شەتەلگە شىعاتىن ازاماتتاردى ساقتىق شارالارىن ساقتاۋعا, سونداي-اق ساپار الدىندا رەسمي اقپارات كٶزدەرٸندەگٸ مەلٸمەتتەرمەن تانىسۋعا شاقىردى.
