Diplomattar? Olar eń aldymen memlekettik tildi meńgerýi tiis – Toqaev
Bizdiń diplomatiialyq qyzmetimiz jaqsy silkinisti qajet etedi. Syrtqy ister ministrliginen bilikti mamandardyń ketýi onyń kadrlyq áleýetin álsiretedi, kúrdeli syn-tegeýringe ainalýda, - dedi Memleket basshysy.
Sonymen qatar, ol SIM eń konservativti qurylymdardyń biri ekenin jaqsy biletinin atap ótti. Munyń oń jáne teris jaqtary bar dep oilaitynyn aitty.
Bir jaǵynan, dástúrdi saqtaý, kásibi diplomattardyń tar tobyn qalyptastyrý turǵysynan jaǵymdy jaǵy bar. Ekinshi jaǵynan, óz eline qyzmet etkisi keletin kóptegen bilimdi, aqyldy jastar osy ministrlikke jumysqa ornalasý kezinde sheshilmeitin kedergilerge tap bolady. Bul jaǵdaidy túzetý qajet. Ýaqyt kadr saiasatynda túbegeili ózgeristerdi talap etedi, - dep qosty prezident.
Onyń kózqarasy boiynsha, diplomatiialyq qyzmetke, eń aldymen, bilimdi, ashyq, otansúigish kásipqoilar qajet.
Toqaev Qazaqstannyń atynan shetelderde ókildik etetin diplomattar tek shet tilderin ǵana emes, eń aldymen memlekettik tildi de meńgerýi tiis ekenin atap ótti.
