ءبىزدىڭ ديپلوماتيالىق قىزمەتىمىز جاقسى سىلكىنىستى قاجەت ەتەدى. سىرتقى ىستەر مينيسترلىگىنەن بىلىكتى مامانداردىڭ كەتۋى ونىڭ كادرلىق الەۋەتىن السىرەتەدى، كۇردەلى سىن-تەگەۋرىنگە اينالۋدا، - دەدى مەملەكەت باسشىسى.
سونىمەن قاتار، ول ءسىم ەڭ كونسەرۆاتيۆتى قۇرىلىمداردىڭ ءبىرى ەكەنىن جاقسى بىلەتىنىن اتاپ ءوتتى. مۇنىڭ وڭ جانە تەرىس جاقتارى بار دەپ ويلايتىنىن ايتتى.
ءبىر جاعىنان، ءداستۇردى ساقتاۋ، كاسىبي ديپلوماتتاردىڭ تار توبىن قالىپتاستىرۋ تۇرعىسىنان جاعىمدى جاعى بار. ەكىنشى جاعىنان، ءوز ەلىنە قىزمەت ەتكىسى كەلەتىن كوپتەگەن ءبىلىمدى، اقىلدى جاستار وسى مينيسترلىككە جۇمىسقا ورنالاسۋ كەزىندە شەشىلمەيتىن كەدەرگىلەرگە تاپ بولادى. بۇل جاعدايدى تۇزەتۋ قاجەت. ۋاقىت كادر ساياساتىندا تۇبەگەيلى وزگەرىستەردى تالاپ ەتەدى، - دەپ قوستى پرەزيدەنت.
ونىڭ كوزقاراسى بويىنشا، ديپلوماتيالىق قىزمەتكە، ەڭ الدىمەن، ءبىلىمدى، اشىق، وتانسۇيگىش كاسىپقويلار قاجەت.
توقايەۆ قازاقستاننىڭ اتىنان شەتەلدەردە وكىلدىك ەتەتىن ديپلوماتتار تەك شەت تىلدەرىن عانا ەمەس، ەڭ الدىمەن مەملەكەتتىك ءتىلدى دە مەڭگەرۋى ءتيىس ەكەنىن اتاپ ءوتتى.
