Burynǵy diplomat Sáken Mamashqa qatysty is Astananyń aýdanaralyq qylmystyq sotyna tústi, dep habarlaidy Dalanews.kz.
Ol burynǵy áieli Karina Mamashqa kúsh qoldandy dep kúdikke ilingen. Bul aqparatty sottyń baspasóz qyzmeti rastaǵan.
Sot protsesi 29 mamyrda ótedi. Sonymen qatar, Sáken Mamashtyń qamaý merzimi 7 maýsymǵa deiin uzartyldy.
2024 jylǵy mamyrda Sáken Mamashtyń burynǵy áieli onyń ózin jáne qonaqqa kelgen ápkesin uryp-soqqanyn málimdegen. Osydan keiin QR Syrtqy ister ministrligi ony BAÁ-degi qyzmetinen keri shaqyrtty. Ótken jyldyń 9 mamyrynda jábirlenýshi Astanaǵa oralǵan. Qaýipsizdik maqsatynda Karina balalarymen birge daǵdarys ortalyǵyna ornalastyrylǵan.
Keiinirek Sáken Mamashqa QR Qylmystyq kodeksiniń 110-baby ("Azaptaý") boiynsha 7 jylǵa deiin bas bostandyǵynan aiyrý jazasy qarastyrylatyny habarlanǵan edi.
2023 jylǵy qazanda Karina Mamash ajyrasqanyn resmi túrde jariialady.
