Bul týraly ánshiniń PR-direktory ári dosy Alpamys Sharimov habarlady. Shanhaida ótip jatqan sharanyń marapattaý rásiminde Dimash Qudaibergen SOS d'un terrien en détresse ánin oryndady. Bul ándi qazaqstandyq ánshi I am a Singer baiqaýynyń birinshi kezeńinde oryndaǵan bolatyn. Sharaǵa qatysý úshin ánshiniń ákesi Qytaiǵa arnaiy barǵan eken. Marapattaý sátinde Dimash Qudaibergen tyńdarmandaryna qazaq tilinde alǵys aitty.
– Assalaýmaǵaleikúm, qurmetti áleýmet! Óte qatty qýanyshtymyn, qazir. Bul meniń shet eldegi alyp turǵan eń alǵashqy úlken syilyǵym. Eń aldymen men ózimniń ata-anama jáne de jan dosyma kóp raqmet aitamyn, meni qoldap-demeý bolyp júrgenderine. Jáne de meniń baǵymdy ashqan, álemge tanytyp jatyrǵan "Singer" jobasyna alǵys aitamyn! Meniń qoldap júretin barsha tyńdarmandaryma raqmet aitqym keledi! Bar bolyńyzdar, aman bolyńyzdar! Bul tek bastamasy ǵana! – dedi Dimash Qudaibergen.
Aita keteiik, Top Chinese Music Awards Qytaidaǵy Gremmi marapaty retinde tanylǵan. Mýzykalyq júlde 2001 jyldan beri jyl saiyn dástúrli túrde ótip keledi.
https://www.youtube.com/watch?v=5fvrYfYghes
