بۇل تۋرالى ءانشىنىڭ PR-ديرەكتورى ءارى دوسى الپامىس شاريموۆ حابارلادى. شانحايدا ءوتىپ جاتقان شارانىڭ ماراپاتتاۋ راسىمىندە ديماش قۇدايبەرگەن SOS d'un terrien en détresse ءانىن ورىندادى. بۇل ءاندى قازاقستاندىق ءانشى I am a Singer بايقاۋىنىڭ ءبىرىنشى كەزەڭىندە ورىنداعان بولاتىن. شاراعا قاتىسۋ ءۇشىن ءانشىنىڭ اكەسى قىتايعا ارنايى بارعان ەكەن. ماراپاتتاۋ ساتىندە ديماش قۇدايبەرگەن تىڭدارماندارىنا قازاق تىلىندە العىس ايتتى.
– اسسالاۋماعالەيكۇم، قۇرمەتتى الەۋمەت! وتە قاتتى قۋانىشتىمىن، ءقازىر. بۇل مەنىڭ شەت ەلدەگى الىپ تۇرعان ەڭ العاشقى ۇلكەن سىيلىعىم. ەڭ الدىمەن مەن ءوزىمنىڭ اتا-اناما جانە دە جان دوسىما كوپ راقمەت ايتامىن، مەنى قولداپ-دەمەۋ بولىپ جۇرگەندەرىنە. جانە دە مەنىڭ باعىمدى اشقان، الەمگە تانىتىپ جاتىرعان "Singer" جوباسىنا العىس ايتامىن! مەنىڭ قولداپ جۇرەتىن بارشا تىڭدارماندارىما راقمەت ايتقىم كەلەدى! بار بولىڭىزدار، امان بولىڭىزدار! بۇل تەك باستاماسى عانا! – دەدى ديماش قۇدايبەرگەن.
ايتا كەتەيىك، Top Chinese Music Awards قىتايداعى گرەممي ماراپاتى رەتىندە تانىلعان. مۋزىكالىق جۇلدە 2001 جىلدان بەرى جىل سايىن ءداستۇرلى تۇردە ءوتىپ كەلەدى.
https://www.youtube.com/watch؟v=5fvrYfYghes
