Praim Kraim aqparat agenttiginiń málimetinshe, Reseidiń jedel izdestirý toby men arnaiy jasaq Maimyshevti "Izmailovo Alfa" qonaq úiinen ustaǵan. Tekserý barysynda kriminaldy avtoritetten metadon tabylypty. Onyń Máskeýge eki kún buryn taýly Altai óńirinen ushyp kelgeni anyqtaldy.
Aitqali Maimyshev Qazaqstannyń kriminaldy avtoriteti. Qylmys áleminde "Leha Maimysh", "Leha Semipalatinskii" degen laqap atpen tanys. Qazaqstandaǵy úsh "vordyń" eń úlkeni. Odan keiin "vor v zakone" qatarynda Serik Jamanovtyń, iaǵni, Bashka men Samarqan Shamyrovtyń aty atalady.
– Buryn túrli qylmyspen sotty bolǵanmyn. Qaisibirin aitaiyn. Jalpy barlyq baǵytqa Máskeý arqyly ushady ǵoi. Munda kelýdegi maqsattyń biri sol, – deidi ol tergeý barysynda.
Derekkózge súiensek, Leha Maimyshtyń aiaq asty ustalýyn Qazaqstandaǵy jappai tártipsizdikpen bailanystyrady. Óitkeni ol qylmys áleminde biraz jurtqa aty tanys Dikii Armanǵa qamqorlyq kórsetýi múmkin degen sybys bar.
63 jastaǵy Aitqali Maimyshev buǵan deiin birneshe márte qylmys jasap sotty boldy. Ómiriniń 20 jylyn túrli koloniiada ótkizgen ol 1997 jyly Máskeý qalasynda "vor v zakone" atanǵan.
