پرايم كرايم اقپارات اگەنتتىگىنىڭ مالىمەتىنشە، رەسەيدىڭ جەدەل ىزدەستىرۋ توبى مەن ارنايى جاساق مايمىشيەۆتى "يزمايلوۆو الفا" قوناق ۇيىنەن ۇستاعان. تەكسەرۋ بارىسىندا كريمينالدى اۆتوريتەتتەن مەتادون تابىلىپتى. ونىڭ ماسكەۋگە ەكى كۇن بۇرىن تاۋلى التاي وڭىرىنەن ۇشىپ كەلگەنى انىقتالدى.
ايتقالي مايمىشيەۆ قازاقستاننىڭ كريمينالدى اۆتوريتەتى. قىلمىس الەمىندە "لەحا مايمىش"، "لەحا سەميپالاتينسكيي" دەگەن لاقاپ اتپەن تانىس. قازاقستانداعى ءۇش "ۆوردىڭ" ەڭ ۇلكەنى. ودان كەيىن "ۆور ۆ زاكونە" قاتارىندا سەرىك جامانوۆتىڭ، ياعني، باشكا مەن سامارقان شامىروۆتىڭ اتى اتالادى.
مايمىشيەۆ ايتقالي مۇقاش ۇلى. 1958 جىلى 10 ساۋىردە دۇنيەگە كەلگەنمىن. لاقاپ اتىم لەحا سەميپالاتينسكيي.
– بۇرىن ءتۇرلى قىلمىسپەن سوتتى بولعانمىن. ءقايسىبىرىن ايتايىن. جالپى بارلىق باعىتقا ماسكەۋ ارقىلى ۇشادى عوي. مۇندا كەلۋدەگى ماقساتتىڭ ءبىرى سول، – دەيدى ول تەرگەۋ بارىسىندا.
دەرەككوزگە سۇيەنسەك، لەحا مايمىشتىڭ اياق استى ۇستالۋىن قازاقستانداعى جاپپاي تارتىپسىزدىكپەن بايلانىستىرادى. ويتكەنى ول قىلمىس الەمىندە ءبىراز جۇرتقا اتى تانىس ديكيي ارمانعا قامقورلىق كورسەتۋى مۇمكىن دەگەن سىبىس بار.
63 جاستاعى ايتقالي مايمىشيەۆ بۇعان دەيىن بىرنەشە مارتە قىلمىس جاساپ سوتتى بولدى. ءومىرىنىڭ 20 جىلىن ءتۇرلى كولونيادا وتكىزگەن ول 1997 جىلى ماسكەۋ قالاسىندا "ۆور ۆ زاكونە" اتانعان.
