«Dikii Arman» tabyldy
Qorǵaýshylar aqpannyń 1-inen 2-sine qaraǵan túni Arman Jumageldievtiń tergeý izoliatorynda joq ekenin bilgen.
– Bizde onyń Almaty qalalyq Politsiia departamentiniń ýaqytsha ustaý izoliatorynda (Masanchi kóshesinde ornalasqan) ekeni týraly aqparat bolǵanmen, búgin tańerteń ol jerde bolmai shyqty.
Sodan soń biz Almaty qalalyq UQK-ne baryp, ýaqytsha ustaý izoliatory ókiliniń aldymyzǵa shyǵýyn talap etkenimizben, olar búgin sanitarlyq kún ekenin aitty. Eshqandai aqparat aitqan joq.
Odan keiin Almaty qalasynyń Ortalyq tergeý izoliatoryna (Krasnogorskaia kóshesinde) bardyq. Onda barmas buryn saǵat 10.00-ge aldyn ala jazyldyq. Bizge rastady. Arnaiy bólimsheniń qyzmetkerleri bazany qarap shyǵyp, aqpannyń 1-inen 2-sine qaraǵan túni Arman Jumageldievti prokýrordyń sanktsiiasymen Almaty qalasy boiynsha UQK departamentiniń izoliatoryna alyp ketkenin aitty, – deidi zańger Talǵat Esimov.
Aitýynsha, olarǵa Arman Jumageldievti ne úshin alyp ketkeni túsindirilmegen.
