قورعاۋشىلار اقپاننىڭ 1-ىنەن 2-سىنە قاراعان ءتۇنى ارمان جۇماگەلدييەۆتىڭ تەرگەۋ يزولياتورىندا جوق ەكەنىن بىلگەن.
– بىزدە ونىڭ الماتى قالالىق پوليسيا دەپارتامەنتىنىڭ ۋاقىتشا ۇستاۋ يزولياتورىندا (ماسانچي كوشەسىندە ورنالاسقان) ەكەنى تۋرالى اقپارات بولعانمەن، بۇگىن تاڭەرتەڭ ول جەردە بولماي شىقتى.
سودان سوڭ ءبىز الماتى قالالىق ۇقك-نە بارىپ، ۋاقىتشا ۇستاۋ يزولياتورى وكىلىنىڭ الدىمىزعا شىعۋىن تالاپ ەتكەنىمىزبەن، ولار بۇگىن سانيتارلىق كۇن ەكەنىن ايتتى. ەشقانداي اقپارات ايتقان جوق.
ودان كەيىن الماتى قالاسىنىڭ ورتالىق تەرگەۋ يزولياتورىنا (كراسنوگورسكايا كوشەسىندە) باردىق. وندا بارماس بۇرىن ساعات 10.00-گە الدىن الا جازىلدىق. بىزگە راستادى. ارنايى بولىمشەنىڭ قىزمەتكەرلەرى بازانى قاراپ شىعىپ، اقپاننىڭ 1-ىنەن 2-سىنە قاراعان ءتۇنى ارمان جۇماگەلدييەۆتى پروكۋروردىڭ سانكسياسىمەن الماتى قالاسى بويىنشا ۇقك دەپارتامەنتىنىڭ يزولياتورىنا الىپ كەتكەنىن ايتتى، – دەيدى زاڭگەر تالعات ەسىموۆ.
ايتۋىنشا، ولارعا ارمان جۇماگەلدييەۆتى نە ءۇشىن الىپ كەتكەنى تۇسىندىرىلمەگەن.
